రెంజల్ లో దొంగల బీభత్సం... 20 తులాల బంగారం చోరీ

సూర్య రెంజల్   : నిజామాబాద్ జిల్లా బోధన్ నియోజకవర్గం రెంజల్ మండల కేంద్రంలో దొంగలు బీభత్సం సృష్టించి దొంగతనానికి పాల్పడినట్లు ఎస్సై గంగాధర్ తెలిపారు. ఎస్సై కథనం మేరకు వివరాల్లోకి వెళ్తే మండల కేంద్రానికి చెందిన ఆకుల మోహన్ గృహంలో శుక్రవారం అర్ధరాత్రి గుర్తుతెలియని దుండగులు దొంగతనానికి పాల్పడినట్లు ఇంటి యజమాని సమాచారం అందించడంతో సంఘటన స్థలాన్ని పరిశీలించినట్లు ఎస్సై తెలిపారు. బీరువాలోని 20 తులాల బంగారం 22 వేల రూపాయల నగదు తో పాటు పావు కలో వెండి దొంగతనానికి గురైనట్లు తెలిపారు. సంఘటన స్థలానికి డాగ్ స్క్వాడ్ మరియు క్లూస్ టీం తో తనిఖీలను నిర్వహించినట్లు ఎస్సై తెలిపారు. బాధితుని ఫిర్యాదు మేరకు కేసు నమోదు చేసుకొని దర్యాప్తు చేపడుతున్నట్లు ఎస్సై పేర్కొన్నారు.