పురుగులు మందు తాగి వ్యక్తి ఆత్మహత్య

రేణిగుంట: రేణిగుంట మండలంలోని వెదళ్లచెరువు ఎస్టీ కాలనీకి చెందిన కొడవల కిరణ్ (30) మద్యానికి బానిసై పురుగుల మందు తాగి చికిత్స మృతి చెందాడు.పోలీసులు తెలిపిన వివరాల మేరకు వెదళ్లచెరువు ఎస్టీ కాలనీకి చెందిన కిరణ్ వ్యవసాయ కూలి పనులతో పాటు అప్పుడప్పుడు ట్రాక్టర్ డ్రైవర్‌గా జీవనం సాగిస్తున్నాడు. ఇతనికి తీవ్రమైన మద్యపాన వ్యసనం ఉండటంతో మద్యం మానుకోవాలని భార్య మౌనిక తరచూ వారించేది. ఈ విషయమై భార్యాభర్తల మధ్య మనస్పర్థలు వచ్చేవి. ఈ క్రమంలో ఈ నెల 28వ తేదీ రాత్రి కిరణ్ మద్యం మానలేక జీవితంపై విరక్తితో మద్యంలో పురుగుల మందు కలుపుకుని తాగాడు.అపస్మారక స్థితిలో ఉన్న కిరణ్‌ను  తిరుపతి రుయా ఆసుపత్రికి తరలించారు. అక్కడ చికిత్స పొందుతూ పరిస్థితి మృతి చెందాడు.మృతుడి భార్య చెరుకూరు మౌనిక ఇచ్చిన ఫిర్యాదు మేరకు కేసు నమోదు చేసుకుని మృతదేహాన్ని పోస్టుమార్టం  అనంతరం వారి రక్త బంధువులకి అప్పగించారు. మృతుడికి భార్యతో పాటు ఇద్దరు కుమారులు, ఇద్దరు కుమార్తెలు ఉన్నారు.