ప్రసూతి ఆస్పత్రిలో విషాదం -ఆపరేషన్ ఆలస్యంతో శిశువు మృతి చెందిందని కుటుంబ సభ్యుల ఆరోపణ

తిరుపతి ప్రభుత్వ ప్రసూతి ఆస్పత్రిలో విషాద ఘటన చోటుచేసుకుంది. వడమాలపేట మండలం వడమాల గ్రామానికి చెందిన పవిత్ర భర్త ఉమాపతి ఈ నెల 26న ఆస్పత్రిలో చేరారు. కుటుంబ సభ్యుల కథనం ప్రకారం- ఆపరేషన్ అవసరమని మధ్యాహ్నం 3 గంటలకే సంతకాలు తీసుకున్నప్పటికీ, రాత్రి 11:45 గంటలకు మాత్రమే ఆపరేషన్‌కు తీసుకెళ్లారని, తెల్లవారుజామున 12:45 గంటలకు బిడ్డ మృతి చెందినట్లు సమాచారం ఇచ్చారని ఆరోపిస్తున్నారు. సకాలంలో వైద్యం అందించి ఉంటే బిడ్డ ప్రాణాలు దక్కేవని, వైద్యుల నిర్లక్ష్యమే కారణమని బాధిత కుటుంబం ఆవేదన వ్యక్తం చేస్తోంది.
వైద్యం అందించడంలో ఎందుకు ఆలస్యం జరిగింది.?ఆపరేషన్ 8 గంటలు ఎందుకు ఆలస్యం చేశారు.బిడ్డ మృతికి అసలు కారణం ఏమిటి అని కుటుంబ సభ్యులు ప్రశ్నిస్తున్నారు.
ఈ ఘటనపై పూర్తి వాస్తవాలు వెలుగులోకి రావాలని, బాధిత కుటుంబానికి న్యాయం జరగాలని కోరుతూ ఈరోజు ఉదయం 9 గంటలకు తిరుపతి ప్రసూతి ఆస్పత్రి వద్ద మీడియా సమావేశానికి పిలుపునిచ్చారు.