andhrapradesh
ఆగి ఉన్న ట్రాక్టర్ ను ఢీకొన్న దివ్యాంగుడు - బాధితుడి పరిస్థితి విషమం
ఆగి ఉన్న ట్రాక్టర్ ను ఢీకొన్న దివ్యాంగుడు
- బాధితుడి పరిస్థితి విషమం
మదనపల్లె టౌన్: ఆగి ఉన్న ట్రాక్టర్ ను బైక్ తో ఢీకొని ఓ దివ్యాంగుడు తీవ్రంగా గాయపడి కోమాలోకి వెళ్లిన ఘటన మంగళవారం రాత్రి పెద్దమండెం మండలంలో జరిగింది. బాధితుడి కుటుంబీకులు, పోలీసులు తెలిపిన వివరాల ప్రకారం.. మండలంలోని మిట్టవాండ్లపల్లెకు చెందిన ఎం. జయరాంరెడ్డి (40) పెద్దమండెం నుంచి బైక్ లో ఇంటికి వస్తుండగా, మిట్టవాండ్లపల్లె మలుపు వద్ద రోడ్డుపై ఆగి ఉన్న ట్రాక్టర్ ను వెనుక నుంచి వేగంగా వచ్చి ఢీకొన్నాడు.
ఈ ప్రమాదంలో కాళ్లు, చేతులు, తలకు బలమైన గాయాలు కావడంతో అపస్మారక స్థితికి చేరుకున్నాడు. సమాచారం అందుకున్న 108 సిబ్బంది బాధితుడిని వెంటనే మదనపల్లె ప్రభుత్వ ఆసుపత్రికి తరలించగా, అత్యవసర విభాగం వైద్యులు పరీక్షించి మెరుగైన చికిత్స కోసం తిరుపతికి రెఫర్ చేశారు. కేసు దర్యాప్తులో ఉంది.
