ప్రశాంతంగా ఎన్నికలు జరిగేలా పర్యవేక్షించాలి

నెల్లూరు, కార్పొరేషన్, మేజర్ న్యూస్   :   సాధారణ ఎన్నికల నిర్వహణ అంశంపై స్టేట్ ఎలక్షన్ కమిషన్ సెక్రటరీ మల్లికార్జున, ప్రిన్సిపల్ సెక్రెటరీ ఎస్.సురేష్ కుమార్, కమిషనర్ అండ్ డైరెక్టర్ ఆఫ్ మున్సిపల్ అడ్మినిస్ట్రేషన్ పి. సంపత్ కుమార్ లు సంయుక్తంగా వీడియో కాన్ఫరెన్స్ ను సోమవారం నిర్వహించారు.  కార్యాలయంలోని కమాండ్ కంట్రోల్ సెంటర్ విభాగంలో రిటర్నింగ్ ఆఫీసర్/ జాయింట్ కలెక్టర్ ఎమ్. వెంకటేశ్వర్లు అడిషనల్ ఎలక్షన్ అథారిటీ / కమిషనర్ వై.ఓ నందన్ లు హాజరయ్యారు.   సమావేశంలో ఎన్నికల నిర్వహణను ప్రణాళిక బద్ధంగా చేపట్టి నిర్దేశించిన షెడ్యూల్ తప్పనిసరిగా అమలయ్యేలా చర్యలు తీసుకోవాలని సూచించారు.   కౌంటింగ్ కు సంబంధించి ముందస్తు చర్యలు, ఏర్పాట్లను ప్రణాళిక బద్దంగా చేపట్టాలని సూచించారు.   బ్యాలెట్ పేపర్ల ముద్రణ, ఓటర్ స్లిప్పుల పంపిణీ, డిస్ట్రిబ్యూషన్ సెంటర్, రిసెప్షన్ సెంటర్, స్ట్రాంగ్ రూముల ఏర్పాటు గురించి సమీ క్షించారు.  విపత్తుల శాఖ జారీ చేసిన ఆర్నాబ్ తుఫాను నేపథ్యంలో ముందస్తు జాగ్రత్తలు తీసుకుని ఎన్నికల ప్రక్రియకు ఆటంకం లేకుండా చర్యలు తీసుకోవాలని సూచించారు.  ఎన్నికలకు సంబంధించిన సర్క్యులర్ లను క్షుణ్ణంగా చదివి కేటాయించిన విధులను వారు పటిష్టంగా చేపట్టి ప్రశాంతంగా ఎన్నికలు జరిగేలా పర్యవేక్షించాలని అధికారులను ఆదేశించారు.  ఈ సమావేశంలో అదనపు కమిషనర్ హిమబిందు, ఇంజనీరింగ్ విభాగం ఎస్.ఈ రహంతు జానీ, సిటీ ప్లానర్ రఘునాథరావు, ఆరోగ్య శాఖ అధికారి డాక్టర్ దినేష్, ఎన్నికల లైజానింగ్ అధికారి రాజేంద్రప్రసాద్, ఈ.ఈ లు, ఏ.సి.పి లు పాల్గొన్నారు.