ప్రజలకు నిస్వార్ధమైన సేవలు అందించడమే లక్ష్యం : 21వ వార్డ్ టీడీపీ అభ్యర్థి నాగూర్ వలి స్పష్టం

మదనపల్లె,మేజర్ న్యూస్ : ప్రజలు తనకు అవకాశం ఇస్తే వార్డును అన్నివిధాల అభివృద్ధి చేసి ప్రజలకు వారధిగా ఉంటానని 21వ వార్డు టిడిపి కౌన్సిలర్ అభ్యర్థి ఎస్.నాగూర్ వలి (షో ఆప్ శీనా) పేర్కొన్నారు.గురువారం వార్డు పరిధిలో ఎన్నికల ప్రచారాన్ని కొనసాగించారు.ఈ సందర్భంగా ఓటర్లను కలుసుకొని కరపత్రాలు పంచిపెట్టి తనకు ఎందుకు అవకాశం ఇవ్వాలో ఓటర్లకు వివరించుకున్నారు.కూటమి పార్టీలు ఆశీర్వాదంతో తనకు తెలుగుదేశం అవకాశం ఇచ్చిందని వార్డు సర్వతో ముఖాభివృద్ధికి మీ ఆశీస్సులతోనే సుసాధ్యం చేస్తామన్నారు.కూటమి ప్రభుత్వం అమలు చేస్తున్న సంక్షేమ,అభివృద్ధి పథకాలు మరింత సమర్థవంతంగా వార్డులో అమలు చేసేందుకు  వార్డు ప్రజలు అవకాశం ఇవ్వాలని విజ్ఞప్తి చేశారు.తాను వార్డు ప్రజలకు పూర్తి సమయం అందుబాటులో ఉండటంతో పాటు ప్రజలు ఎప్పుడైనా తనను నేరుగా కలుసుకునే అవకాశం ఉంటుందన్నారు.కౌన్సిల్ ద్వారా వార్డును అభివృద్ధి చేయడంతోపాటు సమస్యలు పరిష్కరించడానికి అండగా నిలచే అవకాశం అందించాలన్నారు.కావున ఒకటవ తేదీ జరిగే ఎన్నికలలో ఓటు హక్కును సద్వినియోగం చేసుకుని ఆశీర్వదించాలని అభ్యర్థించారు.ఈ కార్యక్రమంలో పార్లమెంట్ ప్రధాన కార్యదర్శి పటాన్ ఖాదర్ ఖాన్,సూదిళ్ల సుధాకర్,మేకలచెరువు అర్జున్,తెలుగు యువత గగన్,నిరంజన్ నాని,రెడ్డమ్మ,పిండి మిషన్ రెడ్డప్ప,తాళ్ల శేఖర్,లక్ష్మి,సుజాత,షాహిన్,ఖాదర్ బాషా,మంజు,సుష్మలు పాల్గొన్నారు.

రిపోర్టర్ : కె.ఈశ్వర్ రెడ్డి,మదనపల్లి నియోజకవర్గం ఇంచార్జి