ప్రజల సమస్యల పరిష్కారానికి ఎమ్మెల్యే దగ్గుపాటి ప్రసాద్ చొరవ

అనంతపురం బ్యూరో : అనంతపురం ఎమ్మెల్యే దగ్గుపాటి ప్రసాద్ తన క్యాంపు కార్యాలయంలో వివిధ సమస్యలపై తనను కలిసేందుకు వచ్చిన నాయకులు, ప్రజా సంఘాల ప్రతినిధులు, ప్రజలతో సమావేశమయ్యారు. వివిధ కారణాలతో క్యాంపు కార్యాలయానికి విచ్చేసిన వారితో ఆయన మాట్లాడి వారి సమస్యలు, వినతులను తెలుసుకున్నారు.

ఈ సందర్భంగా పలువురు నాయకులు, ప్రజా సంఘాల ప్రతినిధులు తమ తమ సమస్యలను ఎమ్మెల్యే దృష్టికి తీసుకెళ్లారు. ప్రజలు ఎదుర్కొంటున్న సమస్యలను తెలుసుకున్న దగ్గుపాటి ప్రసాద్, వాటి పరిష్కారానికి సంబంధిత అంశాలను పరిశీలించారు. ప్రజల నుంచి వచ్చే వినతులకు ప్రాధాన్యతనిస్తూ, సమస్యల పరిష్కారానికి కృషి చేస్తానని తెలిపారు.

ప్రజాప్రతినిధిగా ప్రజలకు అందుబాటులో ఉంటూ, వారి సమస్యలను తెలుసుకుని పరిష్కార దిశగా చర్యలు తీసుకోవడమే లక్ష్యంగా ముందుకు సాగుతున్నట్లు ఎమ్మెల్యే పేర్కొన్నారు. ఈ సమావేశంలో పలువురు నాయకులు, ప్రజా సంఘాల ప్రతినిధులు, స్థానిక ప్రజలు పాల్గొన్నారు.

రిపోర్టర్ : మొయినుద్దీన్, అనంతపురం బ్యూరో, అనంతపురం.