ప్రజల నమ్మకానికి నిదర్శనం ఎన్నికల ఫలితాలు : మాజీ ఎమ్మెల్సీ వై.వి.బి. రాజేంద్రప్రసాద్

ఉయ్యూరు మేజర్ న్యూస్ : రాష్ట్రవ్యాప్తంగా మున్సిపాలిటీలు, జిల్లా పరిషత్‌లు, మండల పరిషత్‌లలో ఎన్డీఏ కూటమికి లభించిన ఘన విజయాలు ముఖ్యమంత్రి చంద్రబాబు నాయుడు, మంత్రి నారా లోకేశ్, ఉప ముఖ్యమంత్రి పవన్ కళ్యాణ్ రాష్ట్ర అభివృద్ధి, ప్రజా సంక్షేమం కోసం చేస్తున్న కృషికి ప్రజలు ఇచ్చిన ప్రతిఫలమని మాజీ ఎమ్మెల్సీ వై.వి.బి. రాజేంద్రప్రసాద్ అన్నారు. ఉయ్యూరు మున్సిపల్ చైర్మన్‌గా ఎన్నికైన చేదుర్తిపాటి ప్రవీణ్ కుమార్, 7, 22వ వార్డుల జనసేన కౌన్సిలర్లు మెరుగు చిన్న కోటయ్య, ఘంటా దుర్గాభవాని, ఎస్సీ కాలనీలకు చెందిన 8, 9, 10వ వార్డుల టీడీపీ కౌన్సిలర్లు కొలగాని సునీత, పరిమి సంతోషి సలోమి, కలకట్ల డాలీ, వీరమ్మతల్లి ఆలయ కమిటీ సభ్యులు సోమవారం ఆయన స్వగృహంలో మర్యాదపూర్వకంగా కలిసి కృతజ్ఞతలు తెలిపారు. ఈ సందర్భంగా రాజేంద్రప్రసాద్ వారిని అభినందించి ఘనంగా సత్కరించారు. అనంతరం ఆయన మాట్లాడుతూ మున్సిపాలిటీలు, జిల్లా పరిషత్‌లు, మండల పరిషత్‌లలో కూటమికి ప్రజలు అందించిన విజయం ప్రభుత్వంపై వారికున్న నమ్మకానికి నిదర్శనమన్నారు. చంద్రబాబు, లోకేశ్, పవన్ కళ్యాణ్ ప్రజల కోసం నిరంతరం శ్రమిస్తూ అభివృద్ధి, సంక్షేమాన్ని సమన్వయం చేస్తూ ముందుకు సాగుతున్నారని, అందుకే ప్రజలు కూటమికి ఘన విజయాన్ని అందించారని పేర్కొన్నారు. ప్రజల ఆశలు, ఆకాంక్షలకు అనుగుణంగా కూటమి ప్రభుత్వం పాలన సాగిస్తుందని తెలిపారు. ఈ కార్యక్రమంలో సయ్యద్ అజ్మతుల్లా, వీరమ్మతల్లి ఆలయ కమిటీ సభ్యులు బొగ్గవరపు శ్రీనివాసరావు, శ్రీనివాస్, ఖాసిం, ఘంటా రామ్మోహన్, కొలగాని సాంబశివరావు, పరిమి సజిత్, భాగ్యరాజ్, వీరబాబు, సలీం, బాజాని తదితరులు పాల్గొన్నారు.

స్టాఫ్ రిపోర్టర్: ✍️ ప్రేమ్ రాజ్, పెనమలూరు, కృష్ణాజిల్లా.