పోతుదొడ్డి సర్పంచ్ బరిలో టీడీపీ అభ్యర్థిగా జిట్టా కదిరప్ప

ప్యాపిలి (మేజర్ న్యూస్): మండలంలోని పోతుదొడ్డి గ్రామ పంచాయతీ సర్పంచ్ ఎన్నికల బరిలోకి తెలుగుదేశం పార్టీ అభ్యర్థిగా జిట్టా కదిరప్ప పోటీ చేయనున్నారు. డోన్ ఎమ్మెల్యే కోట్ల జయసూర్యప్రకాష్ రెడ్డి, డోన్ మున్సిపల్ చైర్‌పర్సన్ కోట్ల సుజాతమ్మ ఆదేశాల మేరకు ఆయన బరిలో నిలుస్తున్నట్లు పార్టీ వర్గాలు తెలిపాయి.గ్రామంలో పార్టీ బలోపేతానికి కృషి చేస్తున్న జిట్టా కదిరప్ప అభ్యర్థిత్వాన్ని అధిష్ఠానం ఖరారు చేయడంతో స్థానిక నాయకులు, కార్యకర్తలు హర్షం వ్యక్తం చేస్తున్నారు. రానున్న ఎన్నికల్లో ఆయన విజయానికి సమష్టిగా కృషి చేస్తామని మండల నాయకులు పేర్కొన్నారు.