పూతలపట్టులో యస్ ఏ ఏ యన్ యస్ కార్యక్రమం ప్రారంభం – చిన్న పిల్లల్లో న్యూమోనియా నివారణే లక్ష్యం

​పూతలపట్టు మేజర్ న్యూస్ 

చిన్న పిల్లల్లో న్యూమోనియా కారణంగా సంభవించే మరణాలను తగ్గించడమే ధ్యేయంగా రాష్ట్రవ్యాప్తంగా చేపట్టిన యస్ ఏ ఏ యన్ యస్ (సోషల్ అవేర్‌నెస్ అండ్ యాక్షన్ టూ న్యూట్రలైజ్ నిమోనియా సక్సెస్ఫుల్లీ) కార్యక్రమాన్ని గురువారం పూతలపట్టు ప్రాథమిక ఆరోగ్య కేంద్రంలో జిల్లా వ్యాధి నివారణ అధికారి డాక్టర్ అనూష ఘనంగా ప్రారంభించారు ​ఈ సందర్భంగా ఆమె ఆరోగ్య సిబ్బందిని ఉద్దేశించి మాట్లాడుతూ, 2026 నవంబర్ 12 నుండి 2027 ఫిబ్రవరి 28 వరకు ఈ కార్యక్రమం కొనసాగుతుందని తెలిపారు. చిన్న పిల్లల్లో న్యూమోనియా రాకుండా తగిన నివారణ చర్యలు తీసుకోవడం, రక్షణ కల్పించడం మరియు సరైన చికిత్స అందించడంపై ప్రజల్లో విస్తృతమైన అవగాహన కల్పించాలని సూచించారు ​వ్యాధి లక్షణాలను ప్రారంభ దశలోనే గుర్తించి, తల్లిదండ్రులు సకాలంలో వైద్య సేవలు అందేవిధంగా ప్రజల్లో అవగాహన పెంపొందించాలని, ముఖ్యంగా పిల్లలకు పీసీవీ వ్యాక్సిన్ వేయించడం ఎంతో ముఖ్యం అని ఆమె నొక్కి చెప్పారు ​ఈ ప్రారంభోత్సవ కార్యక్రమంలో వైద్యాధికారి డాక్టర్ ప్రియాంక, కమ్యూనిటీ హెల్త్ ఆఫీసర్ లక్ష్మీనారాయణ, ఆరోగ్య విస్తరణ అధికారి నరసింహ ప్రసాద్, హెల్త్ సూపర్‌వైజర్ ధర్మేంద్ర, హెచ్‌ఏ సతీష్, ఎంఎల్‌హెచ్‌పీలు, ఆరోగ్య కార్యకర్తలు, ఆశా కార్యకర్తలు తదితరులు పాల్గొన్నారు.

పూతలపట్టు రిపోర్టర్ దిలీప్ కుమార్