andhrapradesh
పోలమాంబ ఆలయంలో "వరుణ యాగం"
- మంగళవారం ఉదయం వనం గుడిలో
- సమృద్ధిగా వర్షాలు కురివాలని
- ప్రజల సంక్షేమం శ్రేయస్సు కు వరుణ దేవుని ఆశీస్సులు కోసం
- ఈవో, దవివి సూర్యనారాయణ
మక్కువ: పార్వతీపురం మన్యం జిల్లా, మక్కువ మండలం, శంబర గ్రామంలో వేంచేసియున్న ఉత్తరాంధ్రల ఆరాధ్య దైవం శ్రీ పోలమాంబ అమ్మవారి ఆలయంలో వరుణ యాగం నిర్వహించనున్నట్లు ఆలయ కార్య నిర్వహణ అధికారి వివి సూర్యనారాయణ తెలిపారు. ఈ మేరకు ఈనెల ఆరవ తేదీ మంగళవారం శ్రీ పోలమాంబ అమ్మవారి వనం గుడిలో ఉదయం 6:54 గంటలకు వరుణ యాగం, వరుణ జపం నిర్వహించ నున్నట్టు ఈ సందర్భంగా ఆయన తెలిపారు. రాష్ట్రంలో సమృద్ధిగా వర్షాలు కురివాలని, రాష్ట్ర ప్రజల సంక్షేమం, శ్రేయస్సు కొరకు వరుణ దేవుని ఆశీస్సులను పొందుటకు ఆంధ్రప్రదేశ్ ప్రభుత్వం దేవదాయ ధర్మదాయశాఖ కమిషనర్ ఆదేశాల మేరకు వరుణ యాగంతో పాటు, వరుణ జపం నిర్వహిస్తున్నట్టు తెలిపారు. విశిష్ట కార్యక్రమాన్ని ప్రముఖ పండితులు విజయనగరం వాస్తవ్యులు బ్రహ్మశ్రీ కప్పగంతుల శ్రావణ్ కుమార్ తదితరులు నిర్వహించినట్టు ఈవో తెలిపారు. కార్యక్రమానికి పుర ప్రజలు పాల్గొని వరుణ్ దేవుని ఆశీస్సులతో పాటు శ్రీ పాలమాంబ అమ్మవారి కరుణాకటాక్షాలు పొందాలని ఈ సందర్భంగా ఆయన తెలిపారు.
