పెంటలో కథల అనువాద పోటీలు

* పాల్గొన్న విద్యార్థులు

బొబ్బిలి, సెప్టెంబర్ 30: మేజర్ న్యూస్:

ప్రపంచ అనువాద దినోత్సవం సందర్భంగా బుధవారం బొబ్బిలి మండలం పెంట జిల్లా పరిషత్ ఉన్నత పాఠశాలలో ఘనంగా నిర్వహించారు.ఈ మేరకు విద్యార్థులకు రాష్ట్ర ఆంగ్ల భాషోపాధ్యాయుల అధ్యక్షుడు ( డెల్టా)  మింది విజయ మోహన్ రావు ఆధ్వర్యంలో  కథల అనువాద పోటీలు నిర్వహించారు. 
ఈ సందర్భంగా ప్రముఖ ఆంగ్ల భాష ఉపన్యాసకులు  యం.రామారావు, హిందీ ఉపన్యాసకులు  యం. చిన సత్యం  మాట్లాడుతూ "వివిధ భాషల మధ్య వారధిగా నిలుస్తున్న అనువాదకులు, అనువాద రంగం యొక్క ప్రాముఖ్యతను గుర్తించడం దీని ప్రధాన ఉద్దేశ్యంగా పేర్కొన్నారు.
సంస్కృతుల అనుసంధానం వల్ల  సంస్కృతి, సంప్రదాయాలు, ఆలోచనలను అర్థం చేసుకోవడానికి సహాయపడుతుందని అన్నారు.
డెల్టా అధ్యక్షుడు విజయ మోహన్ రావు ఈ సందర్భంగా మాట్లాడుతూ  సాహిత్య వ్యాప్తికి, అంతర్జాతీయ సంబంధాలకు, భాషల పరిరక్షణకు ప్రపంచ స్థాయిలో అనువాదాల రచనలు  దోహదం చేస్తాయని అన్నారు. తరువాత విద్యార్థులకు  ఆంగ్ల కథలను  తెలుగు భాషలోకి  అనువదించే పోటీలు నిర్వహించారు. అనంతరం ఉత్తమమైన రచనలను ఎంపిక చేసి బహుమతులు అందించారు. ఈ సందర్భంగా డెల్టా ఆధ్వర్యంలో తయారుచేసిన ప్రాజెక్ట్ ఇంగ్లీష్ 400 కథల పుస్తకాలను పాఠశాల గ్రంధాలయానికి విజయ మోహన రావు అందించారు.