పెంగరగుంట ప్రమాదంపై మాజీ ఎమ్మెల్యే వెంకటేగౌడ దిగ్భ్రాంతి మృతుల కుటుంబాలకు ప్రగాఢ సానుభూతి.. బాధితులకు ప్రభుత్వం అండగా నిలవాలి
పలమనేరు మేజర్ న్యూస్ పలమనేరు మండలం పెంగరగుంట గ్రామ సమీపంలో జరిగిన ఘోర రోడ్డు ప్రమాదంలో ముగ్గురు మహిళలు మృతి చెందడంపై చిత్తూరు జిల్లా వైఎస్సార్సీపీ అధ్యక్షులు, పలమనేరు మాజీ ఎమ్మెల్యే డాక్టర్ ఎన్. వెంకటేగౌడ తీవ్ర దిగ్భ్రాంతి వ్యక్తం చేశారు.ఈ సందర్భంగా ఆయన మాట్లాడుతూ ముగ్గురు మహిళలు ప్రాణాలు కోల్పోవడం అత్యంత బాధాకరమని పేర్కొన్నారు. మృతుల కుటుంబ సభ్యులకు తన ప్రగాఢ సానుభూతిని తెలియజేశారు.ప్రమాద ఘటనపై పోలీసులు తక్షణమే స్పందించి సమగ్ర విచారణ జరిపి, బాధ్యులపై చట్టపరమైన చర్యలు తీసుకోవాలని కోరారు. మృతుల కుటుంబాలకు ప్రభుత్వం తగిన ఆర్థిక సహాయం అందించి ఆదుకోవాలని విజ్ఞప్తి చేశారు.
అనిల్ కుమార్ యాదవ్