పెంగరగుంట ప్రమాద ఘటనపై ఎమ్మెల్యే దిగ్భ్రాంతి మృతుల కుటుంబాలకు ప్రగాఢ సానుభూతి తెలిపిన అమరనాథరెడ్డి
పలమనేరు మేజర్ న్యూస్ పలమనేరు మండలం పెంగరగుంట గ్రామ సమీపంలో జరిగిన ఘోర రోడ్డు ప్రమాదంలో ముగ్గురు మహిళలు మృతి చెందడంపై స్థానిక ఎమ్మెల్యే అమరనాథరెడ్డి తీవ్ర దిగ్భ్రాంతి వ్యక్తం చేశారు.రహదారిపై వరి ధాన్యాన్ని తూర్పార పడుతున్న ముగ్గురు మహిళలపై కారు దూసుకెళ్లిన ఘటన అత్యంత దురదృష్టకరమని ఆయన ఆవేదన వ్యక్తం చేశారు. ఈ ప్రమాదంలో ప్రాణాలు కోల్పోయిన మహిళల కుటుంబ సభ్యులకు తన ప్రగాఢ సానుభూతి, సంతాపాన్ని తెలియజేశారు.ప్రమాదానికి కారణమైన వారిపై చట్టప్రకారం చర్యలు తీసుకోవాలని పోలీసు అధికారులను ఎమ్మెల్యే ఆదేశించారు. బాధిత కుటుంబాలకు తన ప్రగాఢ సానుభూతిని తెలియజేస్తూ, ఈ విషాద సమయంలో వారికి అండగా ఉంటామని పేర్కొన్నారు.
అనిల్ కుమార్ యాదవ్