పరిశుభ్రమైన వీధులే ఆరోగ్యానికి పునాది

గరుగుబిల్లి, సూర్య : పరిశుభ్రమైన వాతావరణం, పరిశుభ్ర మైన వీధులే ఆరోగ్యవంతమైన సమాజానికి పునాది అని మండల పరిషత్ అభివృద్ధి అధికారి మరియు పెద్దూరు గ్రామ పంచాయతీ ప్రత్యేక అధికారి నడిమింటి సూర్యనారాయణ పేర్కొన్నారు.మండల పరిధిలోని పెద్దూరు గ్రామంలో శుక్రవారం 'మన వీధి - మన బాధ్యత' కార్యక్రమంలో భాగంగా వీధులను శుభ్రం చేయడంతో పాటు పరిసరాలను పరిశుభ్రం చేశారు. అదే విధంగా పక్కా కాలువల్లో దోమల నివారణకు ఆయిల్ బాల్స్ ను వేశారు. ఈసందర్భంగా మండల పరిషత్ అభి వృద్ధి అధికారి నడిమింటి సూర్యనారా యణ మాట్లాడుతూ గ్రామ పంచాయ తీల పరిధిలో వ్యాధులు ప్రబలకుండా ఉండేందుకు పూర్తిస్థాయిలో పారిశు ధ్యం మెరుగుపరిచేందుకు అవసరమైన చర్యలు చేపడుతున్నామన్నారు. తడి,పొడి చెత్తను వేరు,వేరుగా గ్రీన్ అంబాసిడర్లకు అందించాలని కోరారు. ఇళ్లు పరిసర ప్రాంతాలను పరిశుభ్రంగా ఉంచుకోవడంతో పాటు డ్రెయిన్లలో చెత్తను వేయకూడదని సూచించారు. పరిసరాల పరిశుభ్రతపై ప్రతి ఒక్కరూ బాధ్యతగా వ్యవహరించినప్పుడే వ్యాధుల నివారణ సాధ్యమవుతుంద న్నారు.ఈకార్యక్రమంలో గ్రామ పంచా యతీ కార్యదర్శి బంటు అప్పారావు తదితరులు పాల్గొన్నారు.

రిపోర్టర్ : శశి భూషణరావు, గరుగుబిల్లి, పార్వతిపురం మన్యం.