పలమనేరు గ్రంథాలయంలో 59వ జాతీయ గ్రంథాలయ వారోత్సవాలు విద్యార్థులకు పలు విజ్ఞాన కార్యక్రమాలు

పలమనేరు మేజర్ న్యూస్ పలమనేరు శాఖా గ్రంథాలయంలో ఈ నెల 14 నుంచి 20వ తేదీ వరకు 59వ జాతీయ గ్రంథాలయ వారోత్సవాలను నిర్వహించనున్నట్లు గ్రంథాలయ అధికారి హేమకుమార్ తెలిపారు. ఆంధ్రప్రదేశ్ పౌర గ్రంథాలయ శాఖ ఆధ్వర్యంలో ప్రభుత్వ ఆదేశాల మేరకు ఈ వేడుకలను నిర్వహిస్తున్నట్లు పేర్కొన్నారు.వారోత్సవాల్లో భాగంగా నవంబర్ 14న బాలల దినోత్సవంతో కార్యక్రమాలుబీ ప్రారంభమవుతాయి. 15న పుస్తక ప్రదర్శన, 16న ప్రముఖుల జీవిత చరిత్రలపై ఉపన్యాసాలు, 17న విద్యార్థులతో సదస్సులు నిర్వహించనున్నారు. 18న వివిధ అంశాలపై వ్యాసరచన, చిత్రలేఖనం, ఉపన్యాస పోటీలు, 19న మహిళా దినోత్సవ కార్యక్రమాలు చేపట్టనున్నారు. 20న వారోత్సవాల ముగింపు సందర్భంగా విజేతలకు బహుమతులు అందజేయనున్నారు.ఈ కార్యక్రమాల్లో పలమనేరు పరిసర ప్రాంతాల పాఠశాలల విద్యార్థులు పెద్ద సంఖ్యలో పాల్గొనాలని హేమకుమార్ కోరారు. గ్రంథాలయాల ప్రాముఖ్యతను తెలుసుకోవడంతో పాటు పుస్తక పఠనం ద్వారా విజ్ఞానాన్నిబీ పెంపొందించుకోవాలని సూచించారు.

 రిపోర్టర్ అనిల్ కుమార్ యాదవ్