పదవుల ఎంపికలో అధిష్టానానిదే తుది నిర్ణయం సోషల్ మీడియా ప్రచారాలను నమ్మొద్దు.. పార్టీ నిర్ణయానికి కట్టుబడి ఉండాలి

చిట్టమూరు మేజర్ న్యూస్

ఈనెల 19న జరగనున్న చిట్టమూరు ఎంపీపీ,మండల పరిషత్ ఉపాధ్యక్షులు,కోఆప్షన్ సభ్యుల ఎంపిక పార్టీ అధిష్టానం నిర్ణయం మేరకే జరుగుతుందని తెలుగుదేశం పార్టీ చిట్టమూరు మండల కన్వీనర్ గణపర్తి కిషోర్ నాయుడు స్పష్టం చేశారు. మండలంలోని 12 ఎంపీటీసీ స్థానాలకు గాను 8 స్థానాల్లో తెలుగుదేశం పార్టీ అభ్యర్థులను గెలిపించడంతో పాటు జడ్పీటీసీ అభ్యర్థిని అత్యధిక మెజారిటీతో గెలిపించిన పార్టీ నాయకులు, కార్యకర్తలు, మండల ప్రజలకు ఆయన ప్రత్యేక కృతజ్ఞతలు, అభినందనలు తెలియజేశారు. విజయం సాధించిన ఎంపీటీసీలు,జడ్పీటీసీకి శుభాకాంక్షలు తెలిపారు.ఇటీవల సోషల్ మీడియా వేదికగా గెలుపొందిన ఎంపీటీసీలలో ఎంపీపీ,వైస్ ఎంపీపీ,కోఆప్షన్ సభ్యుల ఎంపికపై వస్తున్న కథనాలను నమ్మవద్దని ఆయన కోరారు. ఈ విషయంపై ఎవరూ అనవసరమైన ప్రచారాలకు, ఊహాగానాలకు పాల్పడవద్దని సూచించారు.మండలంలో కీలక పదవుల కేటాయింపు గౌరవ శాసనసభ్యులు, తెలుగుదేశం పార్టీ రాష్ట్ర ప్రధాన కార్యదర్శి డాక్టర్ పాశిం సునీల్ కుమార్ మరియు పార్టీ అధిష్టానం నిర్ణయం మేరకే ఉంటుందని స్పష్టం చేశారు. పార్టీ నాయకులు,కార్యకర్తలు అందరూ అధిష్టానం నిర్ణయానికి కట్టుబడి ఉండాలని,పార్టీ ఐక్యతను కాపాడాలని గణపర్తి కిషోర్ నాయుడు వీడియో రూపంలో విజ్ఞప్తి చేశారు.

అంపల్లి మురళి చిట్టమూరు మేజర్ న్యూస్