భగవాన్ బిర్సా ముండా జయంతి...నివాళులర్పించిన ప్రధాని మోదీ
సూర్య జాతీయ డెస్క్: గిరిజన స్వాతంత్ర్య సమరయోధుడు, ధరితీ అబా భగవాన్ బిర్సా ముండా జయంతి సందర్భంగా ప్రధానమంత్రి నరేంద్ర మోదీ ఆయనకు ఘనంగా నివాళులర్పించారు. దేశ స్వాతంత్ర్య సంగ్రామంలో గిరిజనులు అందించిన అమూల్యమైన సేవలను, త్యాగాలను ఈ సందర్భంగా ప్రధాని ప్రత్యేకంగా స్మరించుకున్నారు. బ్రిటిష్ సామ్రాజ్యవాదానికి వ్యతిరేకంగా గిరిజన హక్కుల కోసం బిర్సా ముండా సాగించిన పోరాటం దేశ చరిత్రలో చిరస్థాయిగా నిలిచిపోతుందని ప్రధాని కొనియాడారు. ఆయన ఆశయాలను ముందుకు తీసుకెళ్లేందుకు కేంద్ర ప్రభుత్వం నిరంతరం కృషి చేస్తోందని స్పష్టం చేశారు.
దేశవ్యాప్తంగా గిరిజన సంస్కృతి, సంప్రదాయాలు మరియు వారి అభివృద్ధికి ప్రభుత్వం అనేక సంక్షేమ పథకాలను అమలు చేస్తోందని ప్రధాని మోదీ పేర్కొన్నారు. గిరిజన యోధుల త్యాగాలను భావితరాలకు తెలియజేసేలా దేశంలోని వివిధ ప్రాంతాలలో ప్రత్యేక స్మారక కేంద్రాలను ఏర్పాటు చేస్తున్నట్లు తెలిపారు. బిర్సా ముండా జయంతిని జాతీయ జనజాతి గౌరవ్ దివస్‌గా ప్రకటించి ఏటా ఘనంగా నిర్వహిస్తున్నామని, ఇది గిరిజన సమాజానికి దక్కిన నిజమైన గౌరవమని ఆయన అభిప్రాయపడ్డారు.
దేశంలోని ఆదివాసీల అభ్యున్నతి, విద్య, వైద్యం మరియు ఉపాధి అవకాశాల కల్పనే లక్ష్యంగా ప్రత్యేక కార్యక్రమాలు అమలువుతున్నాయని నాయకులు వెల్లడించారు. బిర్సా ముండా చూపిన ధైర్య సాహసాలు, దేశభక్తి ప్రతి ఒక్కరికీ స్ఫూర్తిదాయకమని పలువురు ప్రముఖులు నివాళులు అర్పించారు. ఈ వేడుకల్లో భాగంగా దేశవ్యాప్తంగా వివిధ రాష్ట్రాల్లో పలు సాంస్కృతిక కార్యక్రమాలు, సేవా శిబిరాలు ఘనంగా జరుగుతున్నాయి.
