పదవీ విరమణ చేసిన పోలీసు అధికారులు ఘన సన్మానం

పదవీ విరమణ చేసిన పోలీస్ అధికారులకు ఘన సన్మానం – ఆత్మీయ వీడ్కోలు

నేటి దినపత్రిక సూర్య బ్యూరో రాజమహేంద్రవరం

తూర్పుగోదావరి జిల్లా పోలీసు శాఖలో సుదీర్ఘకాలం విధులు నిర్వహించి పదవీ విరమణ పొందిన పోలీసు అధికారులను జిల్లా ఎస్పీ  డి. నరసింహ కిషోర్ సన్మానించి, ఆత్మీయ వీడ్కోలు పలికారు.

జిల్లా పోలీస్ కార్యాలయంలో ఏర్పాటు చేసిన కార్యక్రమంలో పదవీ విరమణ చేసిన ఏ.శివాజీ, సబ్ ఇన్‌స్పెక్టర్, ట్రాఫిక్ పోలీస్ స్టేషన్ 2. శ్రీ టి.సత్యనారాయణ, సబ్ ఇన్‌స్పెక్టర్, వన్ టౌన్ సి.సి.ఎస్, పోలీస్ స్టేషన్,  ఎమ్.నాగమునీంద్రరావు రిజర్వ్ సబ్ ఇన్‌స్పెక్టర్ (ఏ.ఆర్) కు శాలువాలు కప్పి, పూలమాలలతో సత్కరించి, జ్ఞాపికలను అందజేశారు.అనంతరం ఎస్పీ నరసింహ కిషోర్ మాట్లాడుతూ పోలీస్ శాఖకు వీరు అందించిన విలువైన సేవలను ప్రత్యేకంగా కొనియాడారు.  పదవీ విరమణ అనంతరం వారి  భవిష్యత్ జీవితాన్ని చక్కగా ప్రణాళిక చేసుకుంటూ ఆరోగ్యకరమైన మరియు ఆర్దికంగా సుఖసంతోషాలతో కూడిన జీవితాన్ని గడపాలని ఆకాంక్షిస్తూ, వారికి హృదయపూర్వక పదవీ విరమణ శుభాకాంక్షలు తెలిపారు.పదవీ విరమణ అనంతరం కూడా వారికి ఏవైనా వ్యక్తిగత లేదా శాఖాపరమైన సమస్యలు ఎదురైనా, పోలీస్ శాఖ ఎల్లప్పుడూ వారికి అండగా నిలుస్తుందని హామీ ఇచ్చారు.

ఈ కార్యక్రమంలో అదనపు ఎస్పీ (అడ్మిన్) పాటిల్ దేవరాజ్ మనీష్, స్పెషల్ బ్రాంచ్ డి.ఎస్.పి  బి.రామకృష్ణ ,ట్రాఫిక్ డిఎస్పి  వై.శ్రీకాంత్ ఎన్‌డీపీఎస్ ఇన్స్పెక్టర్  వై. రాంబాబు, ఆర్ఐ (అడ్మిన్) జి.త్రినాధ రావు  ఇతర పోలీస్ అధికారులు మరియు సిబ్బంది అధికారులు పాల్గొన్నారు.