పాలకొండ నియోజకవర్గంలో ఊపందుకున్న ఎ ఎస్ డిడి ఓటర్ల సవరణ

​పాలకొండ, సూర్య :  పాలకొండ శాసనసభ నియోజకవర్గ పరిధిలోని నవగాం, సింగన్నవలస 167, 228వ పోలింగ్ కేంద్రం (బూత్) పరిధిలో ఓటర్ల సమగ్ర సవరణ ప్రక్రియ శరవేగంగా సాగుతోంది. కేంద్ర ఎన్నికల సంఘం ఆదేశాల మేరకు రూపొందించిన ఎ ఎస్ డిడి (Absent, Shifted, Dead, Duplicate) జాబితా ఆధారంగా అధికారులు స్థానికంగా ఇంటింటి సందర్శన (Door-to-Door Verification) నిర్వహిస్తున్నారు.

​సక్రమ ఓటర్ల వివరాల నమోదు

167, 228వ పోలింగ్ కేంద్రం పరిధిలో నివసించకుండా ఇతర ప్రాంతాలకు శాశ్వతంగా వెళ్ళినవారు, మరణించినవారు, ఒకే పేరుతో వేర్వేరు చోట్ల నమోదు కాబడిన ఓటర్లను  క్షేత్రస్థాయి పరిశీలన ద్వారా తొలగించేందుకు బిఎల్ఓలు (BLO - బూత్ లెవెల్ అధికారులు) ప్రతి ఇంటికీ వెళ్తున్నారు. తుది ఓటర్ల జాబితాను పారదర్శకంగా రూపొందించడమే లక్ష్యంగా ఈ కార్యక్రమం జరుగుతోందని అధికారులు వెల్లడించారు.
​ఓటర్లకు అధికారుల సూచనలు*
ఇంటింటికి వచ్చే బిఎల్ఓలకు ప్రజలు సహకరించాలని, తమ ఓటు వివరాలను పరిశీలించుకోవాలని అధికారులు కోరారు. ఒకవేళ అర్హత ఉన్న ఓటర్ల పేర్లు పొరపాటున ASDD జాబితాలో చేరి ఉంటే, తగిన ఆధారాలతో వెంటనే ఫారమ్-6 లేదా ఫారమ్-8 ద్వారా దరఖాస్తు చేసుకోవాలని సూచించారు. గ్రామీణ మరియు వార్డు సచివాలయాల్లోనూ, అలాగే జిల్లా అధికారిక పోర్టల్ ద్వారా కూడా ఈ జాబితాను పరిశీలించుకునే వెసులుబాటు కల్పించారు.

రిపోర్టర్ : రమణ మూర్తి నాయుడు, పాలకొండ, పార్వతీపురం మన్యం.