ఓటు హక్కు వినియోగించుకున్న మాజీ ఎమ్మెల్యే శిల్పా రవి దంపతులు

--​క్యూలైన్లో నిలబడి ఓటేసిన మాజీ ఎమ్మెల్యే శిల్పా రవి దంపతులు
--​ఓటు హక్కు ప్రతి ఒక్కరి బాధ్యత అని వెల్లడి
---​నంద్యాలలో ఉత్సాహంగా కొనసాగుతున్న పోలింగ్
​ నంద్యాల టౌన్ మేజర్ న్యూస్: నంద్యాల మున్సిపల్ ఎన్నికల పోలింగ్ ప్రశాంత వాతావరణంలో ఉత్సాహంగా కొనసాగుతోంది. ఈ ఎన్నికల్లో భాగంగా నంద్యాల మాజీ ఎమ్మెల్యే శిల్పా రవిచంద్ర కిషోర్ రెడ్డి దంపతులు తమ ఓటు హక్కును వినియోగించుకున్నారు. శిల్పా రవిచంద్ర కిషోర్ రెడ్డి తన సతీమణితో కలిసి స్థానికంగా ఏర్పాటు చేసిన పోలింగ్ కేంద్రానికి విచ్చేశారు.
​సాధారణ ఓటర్ల వలె క్యూలైన్లో నిలబడి వారు తమ ఓటు వేశారు. అనంతరం ఆయన మాట్లాడుతూ.. ఓటు హక్కు అనేది రాజ్యాంగం కల్పించిన వజ్రాయుధం అని, ప్రజాస్వామ్య బలోపేతానికి ప్రతి ఒక్కరూ తమ బాధ్యతగా ఓటు వేయాలని పిలుపునిచ్చారు. అర్హులైన పౌరులంతా విధిగా పోలింగ్ కేంద్రాలకు తరలిరావాలని కోరారు.
​మరోవైపు నంద్యాల మున్సిపాలిటీ పరిధిలో ఉదయం నుంచే ఓటర్లు తమ ఓటు హక్కును వినియోగించుకునేందుకు పోలింగ్ కేంద్రాల వద్ద బారులు తీరారు. ఎన్నికలు సజావుగా సాగేందుకు అధికారులు పకడ్బందీ ఏర్పాట్లు చేయగా, ఎలాంటి అవాంఛనీయ ఘటనలు చోటుచేసుకోకుండా పోలీసులు పటిష్ట బందోబస్తు ఏర్పాటు చేశారు.

జయభారత్ రెడ్డి, నంద్యాల జిల్లా ఆళ్లగడ్డ