ఓలేరు, వెల్లటూరు గ్రామాల్లో పొలం పిలుస్తోంది
భట్టిప్రోలు, మేజర్ న్యూస్:
భట్టిప్రోలు మండల పరిధిలోని వెల్లటూరు, ఓలేరు గ్రామాలలో పొలం పిలుస్తోంది కార్యక్రమాన్ని బుధవారం నిర్వహించారు.
ఈ సందర్భంగా మండల వ్యవసాయ అధికారి బి బ్రహ్మరెడ్డి మాట్లాడుతూ, ఈ రబీ సీజన్ నుంచి ఎరువుల పంపిణీకి ఎఫ్ ఎఫ్ ఎస్, అనే కొత్త యాప్ రానుందని తెలిపారు. ఈ యాప్ ద్వారా ప్రతీ రైతూ తమకి తామే ఎరవులు బుకింగ్ చేసుకునే అవకాశం ఉంటుందని తెలిపారు. తదుపరి వచ్చిన క్యూఆర్ కోడ్ తో గం 48 ల లోపు నిర్దేశించిన దుకాణాల్లో ఎరువులు పొందవచ్చని అన్నారు. తర్వాత ఆయా గ్రామాల్లో వరి పంటని పరిశీలించారు. వరిలో ఆకు ముడత పురుగుని గుర్తించారు. ప్రస్తుతానికి ఉధృతి తక్కువగా ఉందని, కావున రసాయన పురుగు మందులు అవసరం లేదని తెలిపారు .ఒకవేళ ఉధృతి ఎక్కువగా ఉన్నట్లయితే ఫ్లూబెండ మైడ్ 0.5 మి.లీ / లీటరు నీటికి లేదా క్లోరిపైరిఫాస్ 2.5 మి.లీ/లీటరు నీటికి కలిపి పిచికారి చేయాలి అని సూచించారు. ఈ కార్యక్రమం లో విహెచ్ ఏ లు సాగర్ , రాజేశ్వరి ఆయా గ్రామాల రైతులు పాల్గొన్నారు.