నూతన వధువు ఓటు హక్కు వినియోగం - చిత్తూరు మండలంలో ఆదర్శంగా నిలిచిన రమ్య

చిత్తూరు, మేజర్ న్యూస్:చిత్తూరు మండలం కుర్చివేడు కాలనీకి చెందిన జగన్నాధం కుమార్తె, నవ వధువు రమ్య తన ఓటు హక్కును వినియోగించుకుని ఆదర్శంగా నిలిచారు. పెళ్లి అయిన మరుసటి రోజే తన బాధ్యతను మరువకుండా పోలింగ్ కేంద్రానికి వచ్చి ఓటు వేశారు. ప్రతి ఒక్కరూ తమ ఓటు హక్కును వినియోగించుకోవాలని ఈ సందర్భంగా రమ్య పిలుపునిచ్చారు. తన వేలిపై సిరా గుర్తును చూపుతూ కుటుంబ సభ్యులతో కలిసి ఫోటో దిగారు. ప్రజాస్వామ్యంలో ఓటు హక్కు ఎంతో విలువైనదని, యువత, మహిళలు తప్పనిసరిగా ఓటు వేయాలని రమ్య అన్నారు. కొత్త జీవితంలోకి అడుగుపెడుతూనే తన ఓటు బాధ్యతను నెరవేర్చడం పట్ల సంతోషంగా ఉందని తెలిపారు. ఎన్నికల అధికారులు సైతం నవ వధువును అభినందించారు.కుటుంబ సభ్యులు, స్థానికులు నవ వధువును అభినందించారు. చిత్తూరు మండలంలో ఈ ఘటన అందరినీ ఆకట్టుకుంది.

చిత్తూరు రిపోర్టర్, అజయ్ కుమార్