చెల్లని ఓట్లు నమోదైతే చర్యలు... * ఎన్నికల పరిశీలకులు చిన్న రాముడు *

పాలకొండ, సూర్య : పోలింగ్ కేంద్రాల్లో చెల్లని ఓట్లు అధిక శాతం నమోదైతే సంబంధిత పోలింగ్ కేంద్రాల్లో విధులు నిర్వహించే ఎన్నికల సిబ్బందిపై తగిన చర్యలు తీసుకుంటామని ఎన్నికల పరిశీలకులు చిన్న రాముడు హెచ్చరించారు. గురువారం తుమరాడ పోలింగ్ కేంద్రాన్ని ఆయన సందర్శించి పోలింగ్ సరళిని పరిశీలించారు. ఈ సందర్భంగా ఓటర్లు బ్యాలెట్ పేపర్పై స్వస్తిక్ గుర్తును సరిగ్గా వేయడంపై అవగాహన కల్పించాలని ఎన్నికల సిబ్బందికి సూచించారు. ఓటు వేసినప్పటికీ అది చెల్లని ఓటుగా మారి ప్రయోజనం లేకుండా పోకూడదని, ప్రతి ఓటరు సరైన విధానంలో ఓటు వేయాలని కోరారు. పోలింగ్ కేంద్రాల్లో చెల్లని ఓట్ల సంఖ్య పెరగకుండా ఎన్నికల సిబ్బంది బాధ్యతాయుతంగా విధులు నిర్వహించాలని ఆయన ఆదేశించారు. ఈ కార్యక్రమంలో తహసీల్దార్ రాధాకృష్ణమూర్తి పాల్గొన్నారు.