నంద్యాల టిడిపి జిల్లా ప్రధాన కార్యదర్శి ఎన్ఎండి ఫిరోజ్ ని కలిసిన నూతన ఎంపీటీసీ సభ్యులు
సూర్య, నంద్యాల బ్యూరో:నంద్యాల మండలం మిట్నాల మరియు భీమవరం గ్రామాల ఎంపీటీసీ సభ్యులుగా తెలుగుదేశం పార్టీ తరఫున ఎన్నికైన పరదేశి నాగ చిన్నమ్మ (మిట్నాల), ఔక్ నాగేశ్వరి (భీమవరం) గార్లు గురువారం ప్రమాణస్వీకారం చేశారు. ప్రమాణస్వీకార కార్యక్రమం అనంతరం వారు నేరుగా నంద్యాల తెలుగుదేశం పార్టీ కార్యాలయానికి విచ్చేసి, నంద్యాల టిడిపి జిల్లా ప్రధాన కార్యదర్శి ఎన్ఎండి ఫిరోజ్ గారిని మర్యాదపూర్వకంగా కలిశారు. ఈ సందర్భంగా నూతనంగా ఎన్నికై ప్రమాణస్వీకారం చేసిన పరదేశి నాగ చిన్నమ్మ, ఔక్ నాగేశ్వరి గార్లను ఎన్ఎండి ఫిరోజ్ ప్రత్యేకంగా అభినందించి, శుభాకాంక్షలు తెలిపారు. గ్రామాల అభివృద్ధికి, ప్రజా సమస్యల పరిష్కారానికి నిరంతరం కృషి చేయాలని, తెలుగుదేశం పార్టీ ప్రతిష్టను మరింత పెంచేలా పనిచేయాలని ఆయన వారికి సూచించారు.
*మధుబాబు, సూర్య బ్యూరో ఇంచార్జి, నంద్యాల జిల్లా*