తిరుపతి రూరల్ వైస్ ఎంపీపీ గా రావిళ్ళ సురేంద్ర నాయుడు
తిరుపతి రూరల్, మేజర్ న్యూస్ :
తిరుపతి రూరల్ మండల ప్రజా పరిషత్ వైస్ ఎంపీపీగా బ్రాహ్మణపట్టు 2 ఎంపీటీసీ రావిళ్ళ సురేంద్రనాయుడును మండలంలోని ఎంపీటీసీలు ఏకగ్రీవంగా ఎన్నుకున్నారు. వైస్ ఎంపీపీ గా సురేంద్ర నాయుడును మంగళం ఎంపీటీసీ కే నాగరాజు ప్రపోజ్ చేశారు. తిరుచానూరు టు ఎంపీటీసీ సుభాషిని వైస్ ఎంపీపీ గా రావిళ్ళ సురేంద్ర నాయుడు ను బలపరిచారు. దీంతో ఆయనను ఏకగ్రీవంగా ఎన్నికైనట్లు ఎన్నికల రిటర్నింగ్ అధికారి యశ్వంత్ తెలిపారు.
రూరల్ ఎంపీపీగా కత్తి కళ్యాణి సుధాకర్ ఏకగ్రీవంగా ఎన్నికయ్యారు. ఈ సందర్భంగా వైస్ ఎంపీపీ మాట్లాడుతూ
కుల, మత, ప్రాంత, వర్గ భేదాలకు అతీతంగా మండలంలోని అన్ని గ్రామాలను సమానంగా అభివృద్ధి చేసేందుకు కృషి చేస్తానని స్పష్టం చేశారు. ముఖ్యంగా తాగునీరు, పారిశుద్ధ్యం, అంతర్గత రహదారులు, వైద్యం, విద్య వంటి మౌలిక సదుపాయాల కల్పనకు ప్రాధాన్యత ఇస్తానన్నారు. వైస్ ఎంపీపీ పదవిని అధికారిక హోదాగా కాకుండా ప్రజలకు సేవ చేసే గొప్ప అవకాశంగా భావిస్తానని, నీతి నిజాయితీలతో ప్రజలకు ఎల్లప్పుడూ అందుబాటులో ఉంటూ మండల అభివృద్ధికి కృషి చేస్తానని తెలిపారు. ఈ అభివృద్ధి కార్యక్రమాలకు ప్రజాప్రతినిధులు, అధికారులు, ప్రజలందరి భాగస్వామ్యంతో సహకరించాలని ఆయన విజ్ఞప్తి చేశారు.
తనను వైస్ ఎంపీపీగా ఎంపిక కావడానికి సహకరించిన ఎమ్మెల్యే పులివర్తి నాని, ఆయన సతీమణి పులివర్తి సుధా రెడ్డి, రూరల్ మండల పార్టీ అధ్యక్షులు ఈశ్వర్ రెడ్డి, మల్లంగుంట సింగిల్ విండో అధ్యక్షులు మధుశేఖర్, టిడిపి మధు కూటమి పార్టీల నాయకులకు ప్రత్యేక ధన్యవాదాలు తెలిపారు.
H. Dwaraka, staff reporter
9705347341