నీ చల్లని దీవెనలతో ఆదరించండి.. టిడిపి 40 వ వార్డు కౌన్సిలర్అభ్యర్థి నాగే జానకమ్మ

మీ చల్లని దీవెనలు.. ఆశీస్సులు తనపై ఉంచి తనను కౌన్సిలర్ గా గెలిపిస్తే మీ సేవలో ఉంటానని  40వ వార్డు టిడిపి కౌన్సిలర్ అభ్యర్థి నాగే జానకమ్మ, టిడిపి నాయకులు నరసింహులు అన్నారు. ప్రచారం పర్వంలో భాగంగా మంగళవారం వార్డు పరిధిలో ఇంటింటా ప్రచారం నిర్వహిం చారు. సైకిల్ గుర్తుకు ఓటు వేసి తనను గెలిపించాలని కరపత్రాలు పంపిణీ చేస్తూ ప్రచారాన్ని నిర్వహించారు. సందర్భంగా కౌన్సిలర్ అభ్యర్థి మాట్లాడుతూ వార్డు ప్రజల సంక్షేమానికి ప్రాధాన్యత ఇవ్వడం తో పాటు మౌలిక వసతులు కల్పనకు చర్యలు చేపడ తామని తెలిపారు. కౌన్సిలర్ గా ఎన్నికైన తర్వాత మున్సిపల్ సమావేశాలలో పాల్గొని వార్డుకు అధికంగా నిధులు మంజూరు అయ్యేలా కృషి చేస్తానని.. ఎమ్మెల్యే కందికుంట వెంకట ప్రసాద్ ఆశీస్సులతో వార్డును అభివృద్ధి పథంలో పయనించేలా కృషి చేస్తానని పేర్కొన్నారు. నవంబర్ 1న జరగ నున్న పోలింగ్ కార్యక్రమంలో సైకిల్ గుర్తుపై ఓటు వేసి తనను కౌన్సిలర్ గా, మున్సిపల్ చైర్మన్ అభ్యర్థి అర్షియా భాను సైకిల్ గుర్తుపై మరో ఓటు వేసి గెలిపించాలని ఓటర్లను అభ్యర్థిం చారు. కార్యక్రమంలో టిడిపి నాయకులు నరసింహులు, ఇతర నాయకులు పాల్గొన్నారు.