నాటుసారా పట్టివేత

మెలియాపుట్టి, సూర్య : మెలియాపుట్టి మండలం లో మురికింటి భద్ర గ్రామంలో సోమవారం తెల్లవారుజామున పోలీసులు నిర్వహించిన కార్డన్‌ అండ్‌ సెర్చ్‌ ఆపరేషన్‌లో సుమారు 25 లీటర్ల నాటుసారాను స్వాధీనం చేసుకున్నారు. అక్రమంగా నాటుసారా తయారుచేసి విక్రయిస్తున్నారన్న సమాచారంతో ఎస్సై మహమ్మద్ అమీర్‌ అలీ ఆధ్వర్యంలో పోలీసు బృందం గ్రామాన్ని చుట్టుముట్టి తనిఖీలు చేపట్టింది. ఈ సందర్భంగా నాటుసారాను ప్యాకెట్ల రూపంలో స్వాధీనం చేసుకోవడంతోపాటు, తయారీకి ఉపయోగించిన సామగ్రిని సీజ్‌ చేశారు.
ఈ ఘటనపై కేసు నమోదు చేసి దర్యాప్తు చేస్తున్నట్లు ఎస్సై అమీర్‌ అలీ తెలిపారు. స్థానిక సంస్థల ఎన్నికల నేపథ్యంలో శాంతిభద్రతల పరిరక్షణకు పటిష్ట చర్యలు తీసుకుంటున్నామని, ఎన్నికల కోడ్‌ను ప్రతి ఒక్కరూ పాటించాలని సూచించారు. అక్రమ మద్యం తయారీ, రవాణా, విక్రయాలకు పాల్పడితే కఠిన చర్యలు తీసుకుంటామని హెచ్చరించారు. అక్రమ కార్యకలాపాలపై సమాచారం ఉంటే పోలీసులకు తెలియజేయాలని ప్రజలను కోరారు. ఈ తనిఖీల్లో మెలియాపుట్టి పోలీసు సిబ్బంది పాల్గొన్నారు.

రిపోర్టర్ : నాగిరెడ్డి, శ్రీకాకుళం జిల్లా.