మున్సిపల్ ఎన్నికల పోలింగ్ కేంద్రాలను పరిశీలించిన డీఎస్పీ బాలస్వామిరెడ్డి

ప్రొద్దుటూరు అర్బన్ మేజర్ న్యూస్: రాబోయే మున్సిపల్ ఎన్నికల నేపథ్యంలో ప్రొద్దుటూరు డీఎస్పీ ఈ. బాలస్వామి రెడ్డి, వన్‌టౌన్ సీఐ కొండారెడ్డి, ఎస్‌ఐ మధుసూదన్ రెడ్డితో కలిసి వన్‌టౌన్ పోలీస్‌స్టేషన్ పరిధిలోని పలు పోలింగ్ కేంద్రాలను పరిశీలించారు. ఈ సందర్భంగా పోలింగ్ కేంద్రాల్లో అందుబాటులో ఉన్న మౌలిక సదుపాయాలు, భద్రతా ఏర్పాట్లు, ఎన్నికల నిర్వహణకు సంబంధించిన అంశాలను సమీక్షించారు. ఎన్నికల సమయంలో ఎలాంటి అవాంఛనీయ సంఘటనలు చోటుచేసుకోకుండా ముందస్తు జాగ్రత్తలు తీసుకోవాలని, అవసరమైన పోలీసు బందోబస్తు ఏర్పాటు చేయాలని అధికారులకు సూచించారు. ఓటర్లు ఎలాంటి భయాందోళనలకు గురికాకుండా స్వేచ్ఛగా తమ ఓటు హక్కును వినియోగించుకునేలా పోలీసు అధికారులు అప్రమత్తంగా ఉండాలని డీఎస్పీ సూచించారు. మున్సిపల్ ఎన్నికలను ప్రశాంత వాతావరణంలో నిర్వహించేందుకు అవసరమైన ముందస్తు చర్యలు చేపట్టాలని ఆదేశించారు.

• ఎ ప్రతాప్ కుమార్ ప్రొద్దుటూరు అర్బన్ వైఎస్సార్ కడప జిల్లా