ముదిరెడ్డిపల్లి లో ఘనంగా బాలల దినోత్సవ వేడుకలు

హిందూపురం :- ముదిరెడ్డిపల్లి జిల్లా పరిషత్ ఉన్నత పాఠశాల లో బాలల దినోత్సవ వేడుకలను ఘనంగా నిర్వహించారు.ఈ సందర్భంగా పాఠశాల ప్రధానోపాధ్యాయురాలు హెచ్.సుధామణి,జి. రామచంద్ర రెడ్డి, శ్రీధర్ మూర్తి,మాట్లాడుతూ, భారతదేశ తొలి ప్రధానమంత్రి పండిట్ జవహర్‌లాల్ నెహ్రూ జీవిత చరిత్రను, దేశానికి ఆయన చేసిన సేవలను విద్యార్థులకు వివరించారు. పిల్లలంటే నెహ్రూకు ఎంతో ఇష్టమని, అందుకే ఆయన జన్మదినమైన నవంబర్ 14వ తేదీని బాలల దినోత్సవంగా జరుపుకుంటామని తెలిపారు.పిల్లలే దేశ భవిష్యత్తు అని, విద్యార్థులు క్రమశిక్షణ, పట్టుదల, నైతిక విలువలు అలవర్చుకొని ఉన్నత లక్ష్యాలను సాధించాలని సూచించారు. ఈ సందర్భంగా విద్యార్థులకు బాలల దినోత్సవ శుభాకాంక్షలు తెలియజేశారు.ఈ కార్యక్రమంలో పాఠశాల ఉపాధ్యాయులు, విద్యార్థులు పాల్గొని వేడుకలను ఆనందోత్సాహాలతో జరుపుకున్నారు.

హిందూపురం సూర్య స్టాప్ రిపోర్టర్ నాగేంద్ర