మూడు ఎంపీటీసీ స్థానాల్లో గెలుపొందిన వైకాపా అభ్యర్థులు

గరుగుబిల్లి, సూర్య : స్థానిక సంస్థల ఎన్నికల్లో భాగంగా ఎంపీటీసీ స్థానాలకు జరిగిన ఎన్నికల్లో మండలంలోని మూడు ఎంపీటీసీ స్థానాలను వైయస్సార్ కాంగ్రెస్ పార్టీ అభ్యర్థులు కైవసం చేసుకున్నారు.ఈమేరకు శనివారం ఎంపీటీసీ ఎన్నికలకు సంబంధించి నిర్వహించిన కౌంటింగ్ ప్రక్రియలో మండల పరిధిలోని 13 ఎంపీటీసీ స్థానాలకు గాను మూడు ఎంపీటీసీ స్థానాల్లో వైయస్సార్ కాంగ్రెస్ పార్టీ అభ్యర్థులు విజయం సాధించారు. నాగూరు ఎంపీటీసీ స్థానం నుంచి ఎంపీటీసీ అభ్యర్థిగా పోటీ చేసిన కేతిరెడ్డి శిరీష 26 ఓట్లు మెజార్టీతో గెలుపొందారు.అదే విధముగా గరుగుబిల్లి ఎంపీటీసీ స్థానం నుంచి పోటీ చేసిన తెర్లి ఎల్లమునాయుడు 132 ఓట్లు మెజార్టీతో విజయం సాధించారు.గొట్టివలస ఎంపీటీసీ స్థానం నుంచి పోటీచేసిన వెలమల సంధ్య 49 ఓట్ల మెజార్టీతో గెలుపొందా రు.వైయస్సార్ కాంగ్రెస్ పార్టీ తరఫున  ఎంపీటీసీ అభ్యర్థులుగా గెలుపొందిన కేతిరెడ్డి శిరీష, వెలమల సంధ్య, తెర్లి ఎల్లమునాయుడులకు ఉమ్మడి విజయనగరం జిల్లా పరిషత్ వైస్ చైర్మన్ మరిశర్ల బాపూజీనాయుడు, మండల వైయస్సార్ కాంగ్రెస్ పార్టీ కన్వీనర్ కేతిరెడ్డి అచ్యుతరావులు అభినందనలు తెలియజేశారు.