MBBS ప్రవేశాల గడువు పొడిగించాలని NMCకి ఏపీ ప్రభుత్వం విజ్ఞప్తి: పరిశీలిస్తామన్న నేషనల్ మెడికల్ కౌన్సిల్
అమరావతి: ఆంధ్రప్రదేశ్‌లో వైద్య విద్య ప్రవేశాల గడువును పెంచాలంటూ రాష్ట్ర ప్రభుత్వం, డాక్టర్ ఎన్టీఆర్ ఆరోగ్య విశ్వవిద్యాలయం (NTRUHS) కోరిన విజ్ఞప్తిపై నేషనల్ మెడికల్ కౌన్సిల్ (NMC) సానుకూలంగా స్పందించింది.
రాష్ట్రంలో స్టేట్ రౌండ్ కౌన్సెలింగ్ ప్రక్రియ అక్టోబర్ 23తోనే ముగియగా, ముందే నిర్ణయించిన షెడ్యూల్ ప్రకారం MBBS, BDS ప్రవేశాల ముగింపు గడువు రేపటితో తీరనుంది. అయితే కౌన్సెలింగ్ పూర్తయినా రాష్ట్రవ్యాప్తంగా దాదాపు 112 NRI కోటా MBBS సీట్లు ఇంకా భర్తీ కాకుండా ఖాళీగా మిగిలిపోయాయి. ఈ నేపథ్యంలో మిగిలిపోయిన సీట్లను కూడా భర్తీ చేసుకునేందుకు వీలుగా ప్రవేశాల గడువును మరో 15 రోజులు పొడిగించాలని, అలాగే నీట్ యూజీ (NEET-UG) అర్హత శాతాన్ని (Cut-off percentile) తగ్గించాలని కోరుతూ ఎన్టీఆర్ వర్సిటీ ఎన్ఎంసీకి లేఖ రాసింది. దీనిపై స్పందించిన నేషనల్ మెడికల్ కౌన్సిల్, ఏపీ ప్రభుత్వం పంపిన ప్రతిపాదనలను పరిశీలిస్తామని స్పష్టం చేసింది.
