మయూరి అబ్దుల్లా ఆధ్వర్యంలో ఉమ్రా యాత్రికులకు హిందూ సోదరులు ఘన సన్మానం

పొన్నూరు పట్టణంలో మత సామరస్యానికి ప్రతీకగా నిలిచే  కార్యక్రమం   మయూరి అబ్దుల్లా ఆధ్వర్యంలో  పవిత్ర ఉమ్రా యాత్రకుబయలుదేరుతున్న ముస్లిం సోదరులను హిందూ సోదరులు ఘనంగా సన్మానించారు.పట్టణానికి చెందిన ముఫ్తీ అబ్దుల్లా, లియాఖత్, ఖాదర్ లు ఉమ్రా యాత్రకు వెళ్తున్న సందర్భంగా   ఈ సన్మాన కార్యక్రమం ఏర్పాటు చేశారు  ఈ సన్మాన కార్యక్రమానికి ముఖ్య అతిథిగా పొన్నూరు మున్సిపల్ కమిషనర్ ఎం. రమేష్ బాబు హాజరయ్యారు. యాత్రికులను శాలువాలతో సత్కరించి శుభాకాంక్షలు తెలిపారు.ఈ సందర్భంగా వారు మాట్లాడుతూ హిందూ ముస్లిం సోదరులు పరస్పర ప్రేమాభిమానాలతో, ఐకమత్యంతో కలిసిమెలిసి ఉండాలని ఆకాంక్షించారు. ఇటువంటి కార్యక్రమాలు సమాజంలో మత సామరస్యాన్ని మరింత బలోపేతం చేస్తాయని పేర్కొన్నారు. యాత్రికులు తమ యాత్రను సంతోషంగా, క్షేమంగా పూర్తి చేసుకుని తిరిగి రావాలని ఆకాంక్షించారు.కార్యక్రమాన్ని విజయవంతం చేసిన నిర్వాహకులకు మయూరి అబ్దుల్లా ప్రత్యేక కృతజ్ఞతలు తెలిపారు.ఈ కార్యక్రమంలో ప్రముఖులు శివరామిరెడ్డి, యాసిన్ బాబా, డాక్టర్ సుకుమార్, పొల్లి రమేష్, మురళి, ల్యాబ్ వెంకటేశ్వరరావు తదితరులు పాల్గొన్నారు.