మనవరాలి కోసం నదిలోకి దూకిన దంపతులు.. అవ్వాతాతలు గల్లంతు తీర్థయాత్రలో తీవ్ర విషాదం..

పలమనేరు మేజర్ న్యూస్ వివరాల్లోకి వెళితే.. పలమనేరు నియోజకవర్గం గంగవరం మండలం మేలుమాయి క్రాస్‌కు చెందిన శ్రీనివాసులు, దేవి దంపతులు కుటుంబ సభ్యులతో కలిసి ఇటీవల తీర్థయాత్రకు వెళ్లారు. యాత్రలో భాగంగా భువనేశ్వర్ సమీపంలోని ఓ నదిలో పుణ్యస్నానాలు ఆచరిస్తుండగా వారి మనవరాలు ప్రమాదవశాత్తు నీటిలో మునిగిపోవడం గమనించారు.క్షణం ఆలస్యం చేయకుండా చిన్నారిని కాపాడేందుకు దంపతులు నదిలోకి వెళ్లారు. అయితే నదిలో నీటి ప్రవాహం ఉధృతంగా ఉండటంతో చిన్నారిని రక్షించే క్రమంలో వారిద్దరూ ప్రవాహానికి కొట్టుకుపోయి గల్లంతయ్యారు. ఈ ఘటనతో కుటుంబ సభ్యులు తీవ్ర ఆందోళనకు గురయ్యారు.ఈ విషాద వార్త మేలుమాయి క్రాస్ గ్రామానికి చేరడంతో గ్రామంలో విషాదఛాయలు అలుముకున్నాయి. గల్లంతైన దంపతుల ఆచూకీ కోసం గాలింపు చర్యలు చేపట్టినట్లు సమాచారం. ఘటనకు సంబంధించిన మరిన్ని వివరాలు తెలియాల్సి ఉంది.

 రిపోర్టర్ అనిల్ కుమార్ యాదవ్