మక్కువలో హోరా హోరీగా ప్రచారం

మక్కువ, సూర్య : మండల పరిషత్ , జిల్లా పరిషత్ ఎన్నికల తేదీలు సమీపిస్తుండడంతో  మక్కువలో ప్రధాన ప్రతిపక్షాల ప్రచారం ఊపందుకుంది. ఆయా పార్టీల అభ్యర్థులను గెలిపించుకునేందుకు ప్రధాన నాయకులు అహర్నిశలు శ్రమిస్తూ ప్రచారం సాగిస్తున్నారు. వైసిపి తరపున ఎంపిటిల అభ్యర్థులను ఎన్నికల బరిలోకి  దింపిన అభ్యర్థులను గెలుపించుకొనేందుకు వైసిపి నాయకులు మావుడి రంగునాయుడు, మావుడి శ్రీనివాసరావు  , తిరుపతిరావు లు నిరంతరం శ్రమిస్తున్నారు. ప్రధానంగా మక్కువ ఎంపీటీసీ -2 అభ్యర్థి గెలుపు నకు మూడు పార్టీల నాయకులు ప్రతిష్టాత్మకంగా తీసుకున్నారు. ఈ పోటీ బరిలో తొలిసారి రాజకీయ అరంగేంట్రం చేసిన వైసిపి మండల పార్టీ అధ్యక్షులు మావుడి రంగునాయుడు సతీమణి మావుడి రామలక్ష్మి ని గెలుపించుకొనేందు వైసిపి నాయకులు ఛాలెంజ్ గా తీసుకున్నారు. ఇదే స్థానంలో తెలుగుదేశం తరుపున ఫోటీలో దిగిన అభ్యర్థి చోడవరపు రామకృష్ణారావును గెలిపించుకునేందుకు తెలుగుదేశం నాయకులు దాసరి కేశవరరావు , డాక్టర్ మల్లేశ్వరరావు ప్రచారం మరింత ముమ్మరం చేశారు. కాశీపట్నం ఎంపీటీసీ స్థానం నుండి పోటీ చేయుచున్న మండల అధ్యక్షులు గుళ్ల వేణుగోపాలనాయుడు సతీమణి గెలుపునకు టిడిపి అధ్యక్షులు ముమ్మర ప్రచారం సాగిస్తున్నారు. జనసేన నుండి బరిలోకి దిగిన అభ్యర్థులు గెలుపునకు సీనియర్ నాయకులు మావుడి ప్రసాదరావు కూడా తమదైన పంధాలో ప్రచారం సాగిస్తున్నారు. ఏదేమైనా.. గెలుపు ఓటములు నిర్ణేతలైన ఓటరు దేవుళ్ళను ప్రధాన పార్టీ నాయకులు ఓటర్లను ఆకర్షించేందుకు శతవిధాలుగా ప్రయత్నిస్తున్నారు. ఈ ఎన్నికల రణరంగంలో విజయం ఎవరి వరిస్తుందో ఎదురుచూడాల్సింది.