మద్యం సేవించి వాహనాలు నడిపితే కఠిన చర్యలు

అనుమసముద్రంపేట మేజర్ న్యూస్  :   వాహనదారులు మద్యం సేవించి వాహనాలు నడిపితే కఠిన చర్యలు తప్పవని ఏఎస్పేట ఎస్సై షేక్ జిలాని హెచ్చరించారు. స్థానిక బస్టాండ్ సెంటర్ నుంచి  మెయిన్ బజార్లో వాహనాలను తనిఖీ చేశారు. త్రిబుల్ రైడింగ్ చేయరాదని తెలిపారు. స్థానిక నగరా ఖానా సెంటర్లో ఏర్పాటుచేసిన  ఆటో స్టాండ్ వల్ల తమ వ్యాపారానికి ఇబ్బందిగా ఉందని నాలుగైదు ఆటలు షాపులకు అడ్డం పెడుతున్నారని ఆటో స్టాండ్ నగరా ఖానా   సెంటర్లో తొలగించాలని స్థానిక వ్యాపారులు ఎస్సై దృష్టికి తెచ్చారు. దాంతో స్పందించిన ఆయన మాట్లాడి స్టాండ్ అక్కడ నుంచి  మార్పిస్తానని తెలిపారు. ప్రతి ఒక్కరు రోడ్డు సేఫ్టీ నిబంధనలు పాటించాలని కోరారు. ఆయనతోపాటు హెడ్ కానిస్టేబుల్ దాసు సిబ్బంది పాల్గొన్నారు.