మద్యం సేవించి వాహనాలు నడిపిన నలుగురికి జరిమానా

మద్యం సేవించి వాహనాలు నడిపిన నలుగురికి 10000 చొప్పున 40 వేలు జరిమానా విధించారు. చిత్తూరు జిల్లా ఎస్పీ తుషార్  డూడి ఆదేశాల మేరకు, చిత్తూరు జె.వెంకట నారాయణ ఆధ్వర్యంలో చిత్తూరు ట్రాఫిక్ ఇన్స్పెక్టర్ పి.నరసింహ రాజు వాహనాలు తనిఖీ చేపట్టారు. ఇతనికిలలో నలుగురు మద్యం సేవించి వాహనాల నడిపిన నలుగురు వ్యక్తులను గుర్తించారు. వీరిని బుధవారం చిత్తూరు ఫస్ట్ స్పెషల్ జ్యుడీషియల్ సెకండ్ క్లాస్ మెజిస్ట్రేట్ కోర్టులో ప్రవేశపెట్టారు. న్యాయమూర్తి కె.పరిమళాదేవి ఒక్కొక్కరికి 10000 చొప్పున నలుగురికి 40 వేలు జరిమానా విధించారు. ఈ సందర్భంగా ట్రాఫిక్ సిఐ నరసింహారాజు మాట్లాడుతూ వాహనదారులు రోడ్డు భద్రత నియమాలను పాటించాలని, మద్యం సేవించి వాహనం నడపడం అత్యంత ప్రమాదకరమని, ఇది వాహనదారులు ప్రాణాలకు మాత్రమే కాకుండా ఇతరుల ప్రాణాలకు ముప్పు వాటిల్లే ప్రమాదం ఉందని హెచ్చరించారు. కావున చిత్తూరు నగరంలో వాహనాలు నడిపే వాహనదారులు తప్పనిసరిగా రోడ్డు భద్రత నియమాలను పాటిస్తూ హెల్మెట్లను ధరించి వాహనాలను నడపాలని సూచించారు. లేనిపక్షంలో జరిమానాలతో జరిమానాలతో పాటు శిక్షలకు గురవుతారని హెచ్చరించారు.