చిలకలూరిపేట న్యూస్: పవిత్ర పుణ్యక్షేత్రమైన కోటప్పకొండ శ్రీ త్రికోటేశ్వర స్వామి వారి దర్శనానికి కార్తీక మాసం సోమవారం సందర్భంగా పెద్ద సంఖ్యలో భక్తులు తరలివచ్చారు.అయితే భక్తుల రద్దీకి అనుగుణంగా ఆర్టీసీ బస్సులు అందుబాటులో లేకపోవడంతో పలువురు ఇబ్బందులు ఎదుర్కొన్నారు.ఈ విషయాన్ని గమనించిన స్థానిక నాయకులు వెంటనే ఎమ్మెల్యే ప్రతిపాటి పుల్లారావు దృష్టికి తీసుకెళ్లారు.స్పందించిన ఎమ్మెల్యే ఆర్టీసీ డీఎంతో మాట్లాడి భక్తుల రవాణా సౌకర్యం కోసం రెండు ప్రత్యేక బస్సులను ఏర్పాటు చేయించారు.దీంతో భక్తులకు ప్రయాణ ఇబ్బందులు కొంతమేర తగ్గాయి.సమస్యను ఎమ్మెల్యే దృష్టికి తీసుకెళ్లిన వెంటనే స్పందించి ప్రత్యేక బస్సులు అందుబాటులోకి తీసుకురావడంపై భక్తులు హర్షం వ్యక్తం చేశారు.ఈ సందర్భంగా తక్షణమే చర్యలు తీసుకున్న ఎమ్మెల్యే ప్రతిపాటి పుల్లారావుకు,ఆర్టీసీ డీఎంకు కోటప్పకొండ శ్రీ త్రికోటేశ్వర స్వామి భక్తుల తరఫున ప్రత్యేక కృతజ్ఞతలు తెలియజేశారు.