కూటమి సభ్యులందరినీ గెలిపించాలి --జడ్పిటిసి అభ్యర్థి చింతమనేని సాయి నవ్యశ్రీ

పెదవేగి , మేజర్ న్యూస్ :పెదవేగి జెడ్పీటీసీ కూటమి అభ్యర్థి చింతమనేని సాయి నవ్యశ్రీ ఎన్నికల ప్రచారం  రెండో రోజూ  ఉత్సాహభరితంగా కొనసాగింది. సోమవారం సాయంత్రం పెదవేగి మండలంలోని రామసింగవరం, కూచింపూడి, న్యాయంపల్లి గ్రామాలలో ఆమె ప్రచార పర్యటన చేపట్టారు. స్థానిక కూటమి ఎంపీటీసీ అభ్యర్థులతో కలిసి ప్రతి గడపకూ తిరుగుతూ, కూటమి ప్రభుత్వం అమలు చేస్తున్న సంక్షేమ పథకాలను ప్రజలకు వివరిస్తూ ఓట్లను అభ్యర్థించారు. జెడ్పీటీసీగా తనతో పాటు గ్రామాల్లో పోటీ చేస్తున్న ఎంపీటీసీ అభ్యర్థులను భారీ మెజారిటీతో గెలిపించి స్థానిక సంస్థల్లో కూటమి జైత్రయాత్రను కొనసాగించాలని కోరారు.

 తమ అభిమాన ఎమ్మెల్యే చింతమనేని ప్రభాకర్ కుమార్తె తమ గ్రామానికి రావడంతో మహిళలు మంగళహారతులు పట్టి, గుమ్మాల వద్ద దిష్టి తీసి విజయీభవ అంటూ మనసారా ఆశీర్వదించారు. గ్రామ సమస్యల పరిష్కారానికి, ప్రాంత సమగ్రాభివృద్ధే లక్ష్యంగా ముందడుగు వేస్తున్న చింతమనేని నవ్యశ్రీకి గ్రామస్థులు సంపూర్ణ మద్దతు ప్రకటించారు. ఈ ప్రచార కార్యక్రమంలో స్థానిక కూటమి ఎంపీటీసీ అభ్యర్థులు, జిల్లా తెలుగుదేశం పార్టీ ఉపాధ్యక్షులు బొప్పనసుధ, మండల పార్టీ అధ్యక్షులు ఈడుపుగంటి అనిల్, పెదవేగి సొసైటీ చైర్మన్ తాతా సత్యనారాయణ, సహా పలువురుటీడీపీ, జనసేన, బీజేపీ  నాయకులు, కార్యకర్తలు, గ్రామ పెద్దలు పెద్ద సంఖ్యలో పాల్గొన్నారు.

 పసుమర్తి రాము జిల్లా ఇన్చార్జి ఏలూరు