కూటమి పాలనలో నిత్యావసర ధరలు ఆకాశాన్ని అంటుతున్నాయి

అనంతపురం బ్యూరో మేజర్ న్యూస్ : కూటమి పాలనలో నిత్యావసర ధరలు ఆకాశాన్ని అంటుతుందటంతో సామాన్య, మధ్యతరగతి కుటుంబాలపై ఆర్థిక భారం పడుతూ ఇబ్బందులు పడుతున్నా వాటిని నియంత్రించడంలో కూటమి నేతలు పూర్తిగా వైఫల్యం చెందారని మాజీ మేయర్ మహమ్మద్ వసీం విమర్శించారు.నగరంలోని 22,45 వ డివిజన్ ల వైసీపీ కార్పొరేటర్ అభ్యర్థులు ఐశ్వర్య,అనిల్ కుమార్ రెడ్డి, మేయర్ అభ్యర్ధి చిట్లూరి రమేష్ లను ఫ్యాన్ గుర్తుకు ఓటు వేసి గెలిపించాలని ఓటర్లను ఆయన కోరారు.ఈ సందర్భంగా ఆయన మాట్లాడుతూ ప్రస్తుత కూటమి ప్రభుత్వ పాలనలో అభిరుద్ది, ప్రజా సంక్షేమాన్నీ పూర్తిగా పక్కన పెట్టేశారన్నారు.గత వైసీపీ పాలనలో ప్రతి నెలా ఎదో ఒక సంక్షేమ పథకాల నగదు డిపిటి ద్వారా ప్రజల ఖాతాలలో పడేవన్నారు.

అయితే ఎన్నికల ముంగిట వీటికి  రెట్టింపును ఇస్తామని హామీ ఇచ్చి వాటిని అమలు చేయక పోవడంతో ప్రజలు ఆర్థిక ఇబ్బందులు ఎదుర్కొంటున్నారన్నారు.ఒక వైపు పెరిగిన ధరలు, మరోవైపు సంక్షేమ పథకాల నగదు అందక ప్రజలు తీవ్ర ఇబ్బందులు పడుతున్నారన్నారు.వీటన్నింటినీ గమనించి ఓటు ద్వారా కూటమి ప్రభుత్వానికి బుద్ధి చెప్పాలని ఆయన సూచించారు. అదే విధంగా డివిజన్ల అభివృద్ధి కోసం, ప్రజా సమస్యల పరిష్కారం కోసం వైసీపీ అభ్యర్థులకు మద్దతు ఇవ్వాలని ఆయన  ప్రజలను కోరారు.కార్యక్రమంలో పలువురు నేతలు పాల్గొన్నారు.

రిపోర్టర్ : మొయినుద్దీన్ అనంతపురం బ్యూరో మేజర్ న్యూస్