కూటమి అభ్యర్థులకు బీ-ఫారాలు అందజేసిన ఎమ్మెల్యే అమిలినేని

కళ్యాణదుర్గం ఇన్చార్జ్ (కళ్యాణదుర్గం ఇంచార్జ్, మేజర్ న్యూస్) : కళ్యాణదుర్గం మున్సిపల్ ఎన్నికలకు సంబంధించి కూటమి అభ్యర్థులకు ఎమ్మెల్యే అమిలినేని సురేంద్రబాబు పార్టీ బీ-ఫారాలను అందజేశారు. పట్టణంలోని ప్రజావేదిక వద్ద నిర్వహించిన కార్యక్రమంలో మున్సిపల్ చైర్మన్ అభ్యర్థి బుట్నా లక్ష్మీ తిమ్మరాజుతో పాటు కూటమి తరఫున పోటీ చేస్తున్న కౌన్సిలర్ అభ్యర్థులందరికీ బీ-ఫారాలు అందించారు.

ఈ సందర్భంగా అభ్యర్థులకు పార్టీ తరఫున అధికారికంగా పోటీ చేసేందుకు అవసరమైన బీ-ఫారాలను అందజేసి, ఎన్నికల ప్రక్రియలో తదుపరి కార్యక్రమాలపై దిశానిర్దేశం చేశారు. మున్సిపల్ ఎన్నికల్లో కూటమి అభ్యర్థులు ప్రజల ముందుకు వెళ్లి తమ ప్రణాళికలను వివరించేందుకు సిద్ధమవుతున్నారు.

ఈ కార్యక్రమంలో కూటమి నాయకులు, కార్యకర్తలు, అభ్యర్థులు పాల్గొన్నారు.

రిపోర్టర్ : సుధా మోహన్, కళ్యాణదుర్గం ఇన్చార్జ్, కళ్యాణదుర్గం.