కొనసాగుతున్న బ్రహ్మాకుమారిస్ సంస్థ అవగాహన కార్యక్రమాలు

అరకులోయ, సెప్టెంబర్ 30, మేజర్ న్యూస్: 
రాజయోగ టీచర్ సిస్టర్ బి. కె.లీలాకుమారి తలపెట్టిన
నషా ముక్త్ భారత్ అభియాన్ అవగాహన కార్యక్రమాలు కొనసాగుతున్నాయి. అరకులోయ మండలంలోని అన్ని యాజమాన్యపు పాఠశాలలు,కళాశాలల్లో నషా ముక్త్ భారత్ అవగాహన కార్యక్రమాలను చురుగ్గా నిర్వహిస్తున్నారు. మండలంలోని పద్మాపురం జంక్షన్ వద్ద గల రాజయో మెడిటేషన్ సేవా కేంద్రం నిర్వాహకురాలు రాజయోగ టీచర్ సిస్టర్ బి.కె.లీలా కుమారి ఆధ్వర్యంలో యువతీ,యువకులను
మాదకద్రవ్యాలు,చెడు అలవాట్లు,ఆధునిక డిజిటల్ వ్యసనాల నుంచి కాపాడాలన్న ఉద్దేశంతో విద్యాసంస్థల్లో పూర్తిస్థాయిలో అవగాహన కార్యక్రమాలు చేపడుతున్నారు.ప్రభుత్వ విద్యాశాఖ అధికారుల అనుమతితో నషా ముక్త్ భారత్ అభియాన్ పై అవగాహన కార్యక్రమాలు చేపడుతూ కళాశాలల ప్రిన్సిపల్స్,అధ్యాపకులు, పాఠశాలల ప్రధానోపాధ్యాయులు, ఉపాధ్యాయులు,విద్యార్థినీ, విద్యార్థులచే ప్రతిజ్ఞలు వంటివి చేస్తున్నారు.
రాజయోగ టీచర్ సిస్టర్ బి.కె.లీలాకుమారి మార్గదర్శకత్వంలో జరుగుతున్న అవగాహన కార్యక్రమాలు మరో రెండు వారాల వరకు కొనసాగుతాయి.వ్యసనాల అన్ని రూపాలకు నో చెప్పండి అనే సందేశాన్ని విస్తృతంగా ప్రచారం చేయాలని ఈ సందర్భంగా రాజయోగ టీచర్ బి.కె.లీలా కుమారి పిలుపునిచ్చారు.
బ్రహ్మాకుమారీస్ సంస్థ 2023 నుంచి భారత ప్రభుత్వ సామాజిక న్యాయం,సాధికారత మంత్రిత్వశాఖతో అవగాహన ఒప్పందం ద్వారా నషా ముక్త్ భారత్ అభియాన్,అదేవిధంగా
2025 నుంచి భారత ప్రభుత్వ హోం మంత్రిత్వ శాఖ–నార్కోటిక్స్ కంట్రోల్ బ్యూరో ద్వారా మిషన్ స్పందన్లో భాగస్వామిగా అవగాహన కార్యక్రమాలను నిర్వహిస్తోందని ఆమె వివరించారు.