andhrapradesh
కనకదుర్గ అమ్మవారిని దర్శించుకున్న మాజీ ఎమ్మెల్యే జగ్గిరెడ్డి
నేటి దినపత్రిక సూర్య బ్యూరో రాజమహేంద్రవరం
దసరా నవరాత్రుల ప్రారంభం సందర్భంగా ఈరోజు డాక్టర్ బి.ఆర్. అంబేద్కర్ కోనసీమ జిల్లా వైఎస్ఆర్ కాంగ్రెస్ పార్టీ అధ్యక్షులు, మాజీ శాసనసభ్యులు చిర్ల జగ్గిరెడ్డి రావులపాలెం ఆదిలక్ష్మి నగర్ వద్ద, అలాగే 80 పోర్షన్ల బిల్డింగ్ వద్ద ప్రతిష్టించిన శ్రీ కనకదుర్గ అమ్మవారిని దర్శించుకుని భక్తిశ్రద్ధలతో ప్రత్యేక పూజలు నిర్వహించారు. అలాగే ఊరేగింపుగా తీసుకువెళ్తున్న శ్రీ కనకదుర్గ అమ్మవారిని దర్శించుకుని తీర్థప్రసాదాలను స్వీకరించారు.
దసరా నవరాత్రుల సందర్భంగా అమ్మవారి ఆశీస్సులు ప్రజలందరిపై ఉండాలని, ప్రజలంతా సుఖసంతోషాలతో, ఆయురారోగ్యాలతో, అష్టైశ్వర్యాలతో జీవించాలని చిర్ల జగ్గిరెడ్డి ఆకాంక్షించారు. ఈ సందర్భంగా ఆయా ప్రాంతాల్లో భక్తులు భక్తిశ్రద్ధలతో నిర్వహిస్తున్న దసరా నవరాత్రి ఉత్సవాల పట్ల ఆయన సంతోషం వ్యక్తం చేశారు.
