కళ్యాణదుర్గం నగరాన్ని సుందరంగా తీర్చి దిద్దుతాం. యస్వంత్ చౌదరి.

కళ్యాణదుర్గం: పట్టణాన్ని అన్ని రంగాల్లో అభివృద్ధి చేసి సుందర నగరంగా తీర్చిదిద్దేందుకు ప్రజల సహకారం అవసరమని ఎమ్మెల్యే అమిలినేని సురేంద్రబాబు తనయుడు అమిలినేని యశ్వంత్ పేర్కొన్నారు. గురువారం కళ్యాణదుర్గం పట్టణంలోని 17, 18, 19 వార్డుల్లో కూటమి చైర్మన్ అభ్యర్థి బుట్నా లక్ష్మీ తిమ్మరాజు, కౌన్సిలర్ అభ్యర్థులతో కలిసి ఆయన విస్తృతంగా ఎన్నికల ప్రచారం నిర్వహించారు. ఈ సందర్భంగా ప్రజలను కలుసుకుని కూటమి అభ్యర్థులకు మద్దతు ఇవ్వాలని కోరారు. మున్సిపాలిటీలో కూటమి అభ్యర్థులను అఖండ మెజారిటీతో గెలిపిస్తే పట్టణ అభివృద్ధికి మరింత కృషి చేసే అవకాశం ఉంటుందని తెలిపారు. ప్రజలకు అవసరమైన మౌలిక సదుపాయాలు కల్పించి, పట్టణాన్ని సుందరంగా తీర్చిదిద్దడమే లక్ష్యమన్నారు. అభివృద్ధి కొనసాగాలంటే స్థానిక సంస్థల్లో కూటమి అభ్యర్థులు విజయం సాధించాలని ఓటర్లను అభ్యర్థించారు. ఈ ప్రచార కార్యక్రమంలో అమిలినేని యశ్వంత్ సమక్షంలో నారాయణ మూర్తి, నారాయణమ్మ తెలుగుదేశం పార్టీలో చేరారు. వారికి పార్టీ కండువాలు కప్పి సాదరంగా ఆహ్వానించారు. ఎన్నికల ప్రచారంలో కూటమి నాయకులు, కార్యకర్తలు పాల్గొన్నారు.
కళ్యాణదుర్గం టౌన్ రిపోర్టర్ :- బోయ రంగస్వామి.