కార్పొరేషన్ లో ఉచిత ప్రత్యేక వైద్య శిబిరం

నెల్లూరు, కార్పొరేషన్, మేజర్ న్యూస్  :  కేంద్ర ప్రభుత్వ హౌసింగ్ అండ్ అర్బన్ అఫైర్స్ మంత్రిత్వ శాఖ నిర్దేశాల మేరకు నెల్లూరు నగర పాలక సంస్థ అన్ని విభాగాల కార్మికుల ఆరోగ్య భద్రతను దృష్టిలో ఉంచుకొని నారాయణ మెడికల్ కళాశాల ఆసుపత్రి ఆధ్వర్యంలో ప్రత్యేక ఉచిత వైద్య శిబిరాన్ని కార్యాలయం ప్రాంగణంలో బుధవారం నిర్వహించారు.  నగరపాలక సంస్థ ఆరోగ్యశాఖ అధికారి డాక్టర్ దినేష్ మాట్లాడుతూ కమిషనర్ వై.ఓ నందన్ ఆదేశాల మేరకు ఏర్పాటు చేసిన ఉచిత వైద్య శిబిరాన్ని ప్రత్యేకంగా నెల్లూరు నగరపాలక సంస్థ లో విధులు నిర్వహిస్తున్న శానిటేషన్ విభాగం సిబ్బంది ప్రతి ఒక్కరు సద్వినియోగం చేసుకోవాలని సూచించారు.  స్వచ్ఛ సర్వేక్షన్ కార్యక్రమంలో భాగంగా కేంద్ర ప్రభుత్వం నిర్దేశించిన " సఫాయీ అప్నావో - బీమారీ భగావో" నినాదంతో పారిశుధ్య కార్మికులంతా ఆరోగ్యవంతమైన జీవన విధానాన్ని కొనసాగించేందుకు ఇటువంటి ఉచిత వైద్య శిబిరాలు ఎంతగానో దోహదపడతాయని తెలియజేశారు.  ఉచిత వైద్య శిబిరం ద్వారా అందిస్తున్న నాణ్యమైన వైద్య పరీక్షలు, ఉచితంగా అందిస్తున్న మందుల సహకారంతో సిబ్బంది అందరూ తమ ఆరోగ్యాన్ని మెరుగుపరుచుకుని విధుల నిర్వహణలో పాల్గొనాలని డాక్టర్ సూచించారు.