కామన్వెల్త్ కరాటే విజేతలకు సీఎం చంద్రబాబు అభినందనలు

*కర్నూలు:* స్కాట్లాండ్‌లోని గ్లాస్గోలో నవంబర్ 5 నుంచి 8 వరకు జరిగిన 12వ కామన్వెల్త్ కరాటే ఛాంపియన్‌షిప్‌-2026లో ఆంధ్రప్రదేశ్ క్రీడాకారులు అద్భుత ప్రతిభ కనబరిచి పతకాలు సాధించారు.

క్యాడెట్ మేల్ -70 కేజీల కుమిటే విభాగంలో కర్నూలుకు చెందిన పి. హేమంత్ కుమార్ రెడ్డి స్వర్ణ పతకం, జూనియర్ టీమ్ కటా విభాగంలో ఎం.వి. శ్రీ దినేష్, తిరుపతికి చెందిన ఎన్. సూర్య కాంస్య పతకాలు గెలుచుకున్నారు.

అంతర్జాతీయ వేదికపై పతకాలు సాధించిన క్రీడాకారులను ముఖ్యమంత్రి నారా చంద్రబాబు నాయుడు అభినందించారు. వారిని ప్రోత్సహించిన మంత్రి టి.జి. భరత్‌కు క్రీడాకారులు, కోచ్‌లు కృతజ్ఞతలు తెలిపారు.