జిల్లా కలెక్టర్ ను మర్యాద పూర్వకంగా కలిసిన ఎస్.రాయవరం జడ్పీటీసీ రమణమ్మ!

ఎస్.రాయవరం , నవంబర్ 13, మేజర్ న్యూస్:
ఎస్.రాయవరం జడ్పీటీసీ గా ఘన విజయం సాధించిన అమలకంటి రమణమ్మ తన భర్త, మండల తెలుగుదేశం పార్టీ అధ్యక్షులు అమలకంటి అబద్ధం తో కలిసి అనకాపల్లి జిల్లా కలెక్టర్ విజయ కృష్ణన్ ని మర్యాదపూర్వకంగా కలిశారు. ఇటీవల జరిగిన ఎన్నికల్లో ఎస్.రాయవరం జడ్పీటీసీ స్థానంలో అమలకంటి రమణమ్మ అఖండ మెజార్టీతో విజయం సాధించిన విషయం తెలిసిందే. ఈ నేపథ్యంలో జిల్లా కలెక్టర్ ను కలిసి ఆశీస్సులు తీసుకున్నారు. ఈ సందర్భంగా కలెక్టర్ కి తిరుమల శ్రీ వెంకటేశ్వర స్వామి వారి చిత్రపటాన్ని జ్ఞాపికగా అందజేసి, పండ్లు అందించారు. కలెక్టర్ విజయ కృష్ణన్ నూతన జడ్పీటీసీ రమణమ్మ గారికి శుభాకాంక్షలు తెలియజేస్తూ, ప్రజా సేవలో మరింత ముందుకు సాగాలని ఆకాంక్షించారు. మండల అభివృద్ధికి, ప్రజా సమస్యల పరిష్కారానికి తన వంతు సహకారం అందిస్తానని హామీ ఇచ్చినట్లు సమాచారం. ఈ కార్యక్రమంలో ఇరువురు ఆప్యాయంగా సంభాషించుకున్నారు. ఈ కార్యక్రమంలో వీరి వెంట తెలుగు యువత కార్యనిర్వాహక కార్యదర్శి ముప్పిన శ్రీనివాసరావు వున్నారు.