జనసేనలో చేరిన 35వ వార్డు వైసీపీ అధ్యక్షులు గురజాపు రవి

విశాఖపట్నం, సూర్య : విశాఖ దక్షిణ నియోజకవర్గంలో జనసేన పార్టీకి మరింత బలం చేకూరింది. ఈరోజు 35వ వార్డు వైఎస్సార్ కాంగ్రెస్ పార్టీ వార్డు అధ్యక్షుడు గురజాపు రవి, దక్షిణ నియోజకవర్గ శాసనసభ్యులు, జనసేన పార్టీ విశాఖ నగర అధ్యక్షులు శ్రీ వంశీకృష్ణ శ్రీనివాస్ గారి సమక్షంలో జనసేన పార్టీలో చేరారు. కార్పొరేటర్ శ్రీ జెర్రిపోతుల ప్రసాద్ ఆధ్వర్యంలో జరిగిన ఈ చేరిక కార్యక్రమంలో ఎమ్మెల్యే వంశీకృష్ణ శ్రీనివాస్ గారు గురజాపు రవికి పార్టీ కండువా కప్పి సాదరంగా ఆహ్వానించారు. ఈ సందర్భంగా గురజాపు రవి మాట్లాడుతూ.. దక్షిణ నియోజకవర్గంలో గతంలో ఎన్నడూ లేని విధంగా ఎమ్మెల్యే వంశీకృష్ణ శ్రీనివాస్ గారు అభివృద్ధి కార్యక్రమాలు చేపడుతున్నారని ప్రశంసించారు. రాష్ట్ర ఉప ముఖ్యమంత్రి, జనసేన పార్టీ అధినేత శ్రీ పవన్ కళ్యాణ్ గారు రాష్ట్ర అభివృద్ధి కోసం నిరంతరం కృషి చేస్తున్నారని పేర్కొన్నారు. ఇటీవల జరిగిన జీవీఎంసీ ఎన్నికల్లో దక్షిణ నియోజకవర్గంలోని అన్ని వార్డుల్లో కూటమి అభ్యర్థుల విజయానికి కృషి చేసి, పార్టీకి ఘన విజయాన్ని అందించిన ఎమ్మెల్యే వంశీకృష్ణ శ్రీనివాస్ గారికి ప్రత్యేక ధన్యవాదాలు, శుభాకాంక్షలు తెలిపారు. నిరంతరం ప్రజలకు అందుబాటులో ఉంటూ నియోజకవర్గ అభివృద్ధికి అంకితభావంతో పనిచేస్తున్న ఎమ్మెల్యే వంశీకృష్ణ శ్రీనివాస్ గారి నాయకత్వంలో పనిచేయడం తనకు ఎంతో ఆనందంగా, గర్వంగా ఉందని తెలిపారు. ఈ కార్యక్రమంలో కార్పొరేటర్ జెర్రిపోతుల ప్రసాద్, జనసేన నాయకులు శ్రీధర్ తదితరులు పాల్గొన్నారు.