ఇటుక బట్టీల పొగతో ప్రజలకు ఇబ్బందులు
ఇటుక బట్టీల పొగతో ప్రజలకు ఇబ్బందులు
శ్వాసకోశ వ్యాధుల భయంతో ఎల్లమ్మ బీడు కాలనీ వాసుల ఆందోళన
ఎమ్మిగనూరు, సూర్య ప్రతినిధి
పట్టణ పరిసర ప్రాంతాల్లో నిర్వహిస్తున్న ఇటుక బట్టీల నుంచి వెలువడుతున్న పొగతో ప్రజలు తీవ్ర ఇబ్బందులు ఎదుర్కొంటున్నారని ఎల్లమ్మ బీడు కాలనీ వాసులు ఆందోళన వ్యక్తం చేస్తున్నారు. ఇటుక బట్టీల పొగ వల్ల వాయు కాలుష్యం పెరిగి, శ్వాసకోశ సంబంధిత వ్యాధులు వచ్చే ప్రమాదం ఉందని వారు ఆవేదన చెందుతున్నారు.
స్థానిక ఎమ్మెల్యే స్పందించి, ఇటుక బట్టీల నుంచి వెలువడే పొగను నియంత్రించేందుకు తగిన చర్యలు చేపట్టాలని కాలనీ వాసులు కోరుతున్నారు. అలాగే మున్సిపల్ అధికారులు ఇటుక బట్టీలను తనిఖీ చేసి, కాలుష్య నియంత్రణ నిబంధనలు అమలవుతున్నాయో లేదో పరిశీలించాలని విజ్ఞప్తి చేస్తున్నారు. ప్రజల ఆరోగ్యాన్ని దృష్టిలో ఉంచుకుని సంబంధిత అధికారులు తక్షణమే స్పందించి, సమస్యకు పరిష్కారం చూపాలని కోరుతున్నారు.
