హోంగార్డుల కుటుంబాలకు బీమా చెక్కులు అందజేత
విజయవాడ క్రైం, మేజర్ న్యూస్: రోడ్డు ప్రమాదాల్లో ప్రమాదవశాత్తు మరణించిన ఇద్దరు హోంగార్డుల కుటుంబాలకు యాక్సిస్ బ్యాంకు తరఫున అందించే ప్రమాద బీమా పరిహారం చెక్కులను ఎన్టీఆర్ జిల్లా పోలీస్ కమిషనర్ ఎస్.వి. రాజశేఖర బాబు ఐపీఎస్ శనివారం అందజేశారు. విజయవాడలోని పోలీస్ కమిషనర్ కార్యాలయంలో జరిగిన కార్యక్రమంలో హోంగార్డు తంగేళ్లమూడి రాజశేఖర్ (HG 308) కుటుంబానికి రూ.34 లక్షల బీమా చెక్కును, అదేవిధంగా 16-07-2026న రోడ్డు ప్రమాదంలో మరణించిన హోంగార్డు జి.వి. నాగేశ్వరరావు (HG 956) కుటుంబానికి రూ.38 లక్షల బీమా చెక్కును అందించారు. ఎన్టీఆర్ జిల్లా పోలీస్ కమిషనరేట్ హోంగార్డు విభాగంలో విధులు నిర్వహిస్తున్న రాజశేఖర్ 16-08-2026న విధులు ముగించుకుని ఇంటికి వెళ్తున్న క్రమంలో రోడ్డు ప్రమాదానికి గురై మరణించారు. యాక్సిస్ బ్యాంకులో ఖాతాలు కలిగిన పోలీసు సిబ్బంది ప్రమాదవశాత్తు మరణిస్తే వారి కుటుంబాలకు ప్రమాద బీమా కింద పరిహారం అందించే సౌకర్యం ఉంది. ఈ కార్యక్రమంలో అడ్మిన్ డీసీపీ కె.జి.వి. సరిత ఐపీఎస్, యాక్సిస్ బ్యాంక్ సర్కిల్ హెడ్ పద్మప్రియ, క్లస్టర్ హెడ్ వలి, బ్రాంచ్ మేనేజర్ ప్రదీప్, హోంగార్డు ఆర్ఐ సుధాకర్ రెడ్డి, ఎన్టీఆర్ జిల్లా పోలీస్ అసోసియేషన్ అధ్యక్షుడు ఎం. సోమయ్య, అసోసియేషన్ సభ్యులు, పోలీసు అధికారులు, సిబ్బంది తదితరులు పాల్గొన్నారు.
స్టాఫ్ రిపోర్టర్: ✍️ ప్రేమ్ రాజ్, విజయవాడ, ఎన్టీఆర్ జిల్లా.